ସତ୍ୟଶିଖା( ନୂଆଦିଲ୍ଲୀ )୧୫.୦୨.୨୦୨୨ : ଦେଶରେ କମୁଛି କରୋନା ସଂକ୍ରମଣ । ଆଜି ଦେଶରେ ୩୦ ହଜାର ତଳେ କରୋନା ଦୈନିକ ମାମଲା ରହିଛି । ଗୋଟିଏ ଦିନରେ ଆଉ ୨୭,୪୦୯ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ଗତ ୨୪ ଘଣ୍ଟାରେ କରୋନାରୁ ସୁସ୍ଥ ହୋଇଛନ୍ତି ୮୨,୮୧୭ ଆକ୍ରାନ୍ତ । ଆଜିର ସୁସ୍ଥତାକୁ ମିଶାଇ ଦେଶରେ ଏଯାଏ କରୋନାରୁ ମୋଟ୍ ସୁସ୍ଥ ହେଲେଣି ୪,୧୭,୬୦,୪୫୮ ଆକ୍ରାନ୍ତ । ଅନ୍ୟପଟେ ଆଜିର ରିପୋର୍ଟରେ ଦେଶରେ ୪୦୦ ତଳକୁ କରୋନା ଦୈନିକ ମୃତ୍ୟୁ ମାମଲା ଖସିଥିବା ଦେଖିବାକୁ ମିଳିଛି । ଗତ ୨୪ ଘଣ୍ଟାରେ ଆଉ ୩୪୭ଜଣ ଆକ୍ରାନ୍ତଙ୍କ ମୃତ୍ୟୁ ହୋଇଛି । ଦେଶରେ ମୋଟ୍ ସକ୍ରିୟ ଆକ୍ରାନ୍ତ ୪,୨୩,୧୨୭ ରହିଛି । ଦୈନିକ ପଜିଟିଭିଟି ହାର ୨.୨୩%କୁ ଖସିଛି । ସଂକ୍ରମଣକୁ ମାତ୍ ଦେବାକୁ ଦେଶରେ ଟିକାକରଣ କରାଯାଉଛି । ସାରା ଭାରତରେ ଏଯାଏ ୧୭୩.୪୨ କୋଟି ଲୋକଙ୍କ ଟିକାକରଣ ହୋଇଛି ।
