ସତ୍ୟଶିଖା (ନୂଆଦିଲ୍ଲୀ) ୩୧.୦୩.୨୦୨୨: ଦେଶରେ କମୁଛି କରୋନା ସଂକ୍ରମଣ । ଗତ କିଛି ଦିନ ହେବ ଦେଶରେ ୧୫ ଶହ ତଳେ କରୋନା ପଜିଟିଭ୍ ଚିହ୍ନଟ ହେଉଛନ୍ତି । ଗତ ୨୪ ଘଣ୍ଟାରେ ଦେଶରେ ଆଉ ୧,୨୨୫ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୨୮ ଜଣଙ୍କ ମୃତ୍ୟୁ ହୋଇଛି । ଦେଶରେ କରୋନା ଦୈନିକ ସଂକ୍ରମଣ ଠାରୁ ସୁସ୍ଥତା ସଂଖ୍ୟା ବଢ଼ିବାରେ ମଧ୍ୟ ଲାଗିଛି । ଗତ ଗୋଟିଏ ଦିନରେ ୧,୫୯୪ ଆକ୍ରାନ୍ତ ସୁସ୍ଥ ହୋଇଛନ୍ତି । ସୁସ୍ଥତା ସଂଖ୍ୟ ବଢ଼ୁଥିବାରୁ ସକ୍ରିୟ ଆକ୍ରାନ୍ତଙ୍କ ସଂଖ୍ୟା ହ୍ରାସ ମଧ୍ୟ ପାଇବାରେ ଲାଗିଛି । ଦେଶରେ ଏଯାଏ ମୋଟ୍ କରୋନା ସକ୍ରିୟ ମାମଲା ୧୪ ହଜାର ୩୦୪ ରହିଛି । କରୋନାକୁ ସମ୍ପୂର୍ଣ୍ଣ ଭାବେ ମାତ୍ ଦେବାକୁ ଏବେ ବି ଟିକାକରଣ କରାଯାଉଛି ।
