ମୟୁରଭଞ୍ଜ ଜିଲ୍ଲା କରଞ୍ଜିଆ ଗୋବରାସାହି ନିକଟରେ ଖାଦ୍ୟ ଅନ୍ୱେଷଣରେ ଆସି କୂଅରେ ଗଳି ପଡିଲା ହାତୀ l

ସତ୍ୟଶିଖା ( ମୟୁରଭଞ୍ଜ ) ୧୮ .୦୮.୨୦୨୦ :   ଖାଦ୍ୟ ଅନ୍ୱେଷଣରେ ଆସି କୂଅରେ ଗଳି ପଡିଲା ହାତୀ ।  ମୟୁରଭଞ୍ଜ ଜିଲ୍ଲା କରଞ୍ଜିଆ ଗୋବରାସାହି ନିକଟରେ କୂଅରେ ଖସି ପଡିଲା ହାତୀ । ଆଜି ଭୋରୁ ୨୨ ଟିକିଆ ହାତୀପଲ ଖାଦ୍ୟ ଅନ୍ୱେଷଣରେ ଗାଁକୁ ଆସିଥିଲେ । ଗାଁରେ ଥିବା ଏକ ମୁକୁଳା କୂଅ ପାଖରେ ବୁଲୁଥିବାବେଳେ କୂଅରେ ଖସି ପଡିଥିଲା ମାଈ ହାତୀ । ଖବର ପାଇ ବନବିଭାଗ ସଙ୍ଗେ ସଙ୍ଗେ ପହଞ୍ଚି ଏକ ଜେସିବି ମେସିନ ଲଗାଇ କୂଅକୁ ଖୋଳି ହାତୀଟିକୁ ଉଦ୍ଧାର କରିଛି । କୂଅରେ ପଡି ହାତୀଟି ଆହତ ହୋଇଥିବା ଜଣାପଡ଼ିଛି । ତେବେ ଗତ କିଛି ଦିନ ହେଲା ଏହି ଅଞ୍ଚଳରେ ହାତୀପଲ ଉତ୍ପାତ ମଚାଇଛନ୍ତି । ବ୍ୟାପକ ଫସଲ ନଷ୍ଟ କରିବା ସହ ଧନ ଜୀବନ ମଧ୍ୟ ନଷ୍ଟ କରିଥିବା ଗ୍ରାମବାସୀ ପ୍ରକାଶ କରିଛନ୍ତି ।