ସତ୍ୟଶିଖା ୨୯/୧୨/୨୦୨୦ : ମହିଳାଙ୍କୁ ଅସଭ୍ୟ ଭାଷାରେ ଗାଳିଗୁଲଜ କରିବା ସହିତ ଆକ୍ରମଣ ଅଭିଯୋଗ । ଏ ନେଇ ଜଳେଶ୍ୱର ଥାନାରେ ଲିଖିତ ଅଭିଯୋଗ କରାଯାଇଛି । ସୂଚନାଯୋଗ୍ୟ ଯେ, ଗତ ୨୭ ତାରିଖ ଦିନ ସକାଳେ କସିଦା ଗ୍ରାମର ତପନ ଦାସଙ୍କ ସ୍ତ୍ରୀ ଆରତୀ ଦାସ ଘରେ ଥିବାବେଳେ ସେହି ଗ୍ରାମର କିଛି ପୁରୁଷ ଓ ମହିଳା ତାଙ୍କୁ ମରଣାନ୍ତକ ଆକ୍ରମଣ କରିବା ନେଇ ଅଭିଯୋଗ ହୋଇଛି । ଏହାସହ ବିଭିନ୍ନ ଅସଭ୍ୟ ଭାଷାରେ ଗାଳି ଗୁଲଜ ମଧ୍ୟ କରିଥିବା ନେଇ ଏତଲାରେ ଦର୍ଶାଯାଇଛି । ଆରତୀକୁ ଉଦ୍ଧାର କରିବାକୁ ଆସି ତାଙ୍କ ସ୍ଵାମୀ,୧୨ ବର୍ଷର ପୁଅ ଏବଂ ପୁତୁରା ମଧ୍ୟ ଆକ୍ରମଣର ଶିକାର ହୋଇଥିଲେ । ଏନେଇ ଆରତୀ ଜଳେଶ୍ୱର ଥାନାରେ ଏକ ଲିଖିତ ଅଭିଯୋଗ କରିଛନ୍ତି । ପୋଲିସ ଅଭିଯୋଗ ପାଇ ତଦନ୍ତ ଆରମ୍ଭ କରିଛି ।
