ବିଜେଡି ବିଧାୟକ ଶଶୀ ଭୂଷଣ ବେହେରାଙ୍କ ନାମରେ ଅଭିଯୋଗ ।

ସତ୍ୟଶିଖା (ଭୁବନେଶ୍ୱର )୦୪.୧୧.୨୦୨୩ : ପୁଣି ବିଜେଡି ବିଧାୟକ ଶଶୀ ଭୂଷଣ ବେହେରାଙ୍କ ନାମରେ ଅଭିଯୋଗ । ବିଧବା ମହିଳାଙ୍କ ଘର ମାଡିବସି ରହିଛନ୍ତି । ନା ଭଡା ଦଉଛନ୍ତି ନା ଘର ଛାଡ଼ୁଛନ୍ତି। ମହିଳା ଓ ତାଙ୍କ ସମ୍ପର୍କୀୟ ବିଧାୟକଙ୍କ  ଭୁବନେଶ୍ୱର ବାସ ଭବନଠୁ କେନ୍ଦ୍ରାପଡା ଭଡା ଘର ଯାଏଁ ଦୌଡ଼ି  ଦୌଡ଼ି  ନୟାନ୍ତ ହେଲେଣି  କିନ୍ତୁ କିଛି ଲାଭ ନାହିଁ । ଓଲଟା ଶଶୀ ଭୂଷଣ ଓ ତାଙ୍କ ପୁଅ ସତ୍ୟପ୍ରକାଶ ଓରଫ ଗୁଡ଼ୁ ମହିଳାଙ୍କୁ ଧମକ ଦେଉଥିବା କହିଛନ୍ତି ସୁଜାତା । ତେବେ ୫ ମାସ ତଳେ ଶଶୀଭୁଷଣଙ୍କ ବୋହୁ ରୋନାଲି, ଶଶୀ ଭୂଷଣ ବେହେରା ଓ ତାଙ୍କ ପୁଅ ଗୁଡ଼ୁ ଙ୍କ ପରିବାର ଉପରେ ଯୌତୁକ ନିର୍ଯାତନାର ଅଭିଯୋଗ କରିଥିଲେ। ମାମଲା ଏବେ କୋର୍ଟରେ ଅଛି । ନିଜ  ବୋହୁ ଅଭିଯୋଗ କରିଥିଲେକି, ବିଜେଡି ବିଧାୟକ ଶଶୀଭୁଷଣଙ୍କ ସାମ୍ନାରେ ରୋନାଲିଙ୍କ ଉପରେ ଅତ୍ୟାଚାର ହେଉଥିଲେ ସୁଦ୍ଧା ବିଧାୟକ ଶଶୀଭୁଷଣ କିଛି କୁହନ୍ତି ନାହିଁ । ଏବେ ସୁଜାତାଙ୍କ ଘରେ ଦୀର୍ଘ ୪ବର୍ଷ ହେବ ରହିଲା ପରେ ଶଶୀଭୁଷଣ ବେହେରା  ଘର ଭଡା ବାବଦ ୫ ଲକ୍ଷ ଟଙ୍କା ବଦଳରେ ୯୦ ହଜାର ଟଙ୍କା ଦେଇ ଭଣ୍ଡେଇ ଦେବାରେ ଲାଗିଛନ୍ତି । ମହିଳାଙ୍କ ସ୍ୱାମୀଙ୍କ ନିଧନ ପରେ ଉକ୍ତ ଘରେ ମହିଳା ନିଜେ ରହିବାକୁ ଚାହିଁଥିଲେ। କିନ୍ତୁ ଦୀର୍ଘ ଦିନ ହେବ ବିଧାୟକଙ୍କୁ ଘର ଛାଡିବା ପାଇଁ ଗୁହାରି କଲେ ସୁଦ୍ଧା ଖାତିର କରୁନାହାନ୍ତି ଶଶୀଭୁଷଣ।