ସବୁ ଫିଲ୍ମ ଟ୍ରେଲର ରେକର୍ଡ ଭାଙ୍ଗିଲା ଅକ୍ଷୟ କୁମାର ଙ୍କ ‘ଲକ୍ଷ୍ମୀ ବମ୍‌ବ’

ସତ୍ୟଶିଖା (ନୂଆଦିଲ୍ଲୀ) ୧୦.୧୦.୨୦୨୦ : ‘ଲକ୍ଷ୍ମୀ ବମ୍‌ବ’ ଟ୍ରେଲର ରିଲିଜ ହୋଇଛି ଏଥିରେ ବଲିଉଡ ଅଭିନେତା ଅକ୍ଷୟ କୁମାର ଓ ଅଭିନେତ୍ରୀ କିୟାରା ଆଡଭାନୀ ଅଭିନୟ କରିଛନ୍ତି । ତେବେ ଏହାର ଟ୍ରେଲର ଅନଲାଇନରେ ହିଁ ରିଲିଜ ହୋଇଛି । ଏହି ହରର-କମେଡି ଫିଲ୍ମରେ ଅକ୍ଷୟ କୁମାର କିନ୍ନର ଭୂମିକାରେ ନଜର ଆସିଛନ୍ତି । ଟ୍ରେଲରରେ କମେଡି ଦୃଶ୍ୟ ସହ ଡ୍ରାମା ମଧ୍ୟ ରହିଛି । ଯାହା ଲୋକଙ୍କୁ ଖୁବ ପ୍ରଭାବିତ କରିଛି ।

ଭାରତରେ ଏ ଫିଲ୍ମର ଟ୍ରେଲରକୁ ୨୪ ଘଣ୍ଟାରେ ୭୦ ମିଲିଅନ ଭ୍ୟୁଜ୍ ସହ ସବୁଠୁ ଅଧିକ ଦେଖାଯାଇଥିବା ଫିଲ୍ମର ଟ୍ରେଲର ଭାବେ ପ୍ରମାଣିତ ହୋଇଛି । ସାଧାରଣ ଦର୍ଶକ ନୁହନ୍ତି ବଲିଉଡ ଇଣ୍ଡଷ୍ଟ୍ରି ମଧ୍ୟ ଏହାକୁ ଖୁବ୍ ପସନ୍ଦ କରିଛି । କରଣ ଜୋହର, ତାପସୀ ପନ୍ନୁ, ଭୂମି ପେଡନେକର, କୃତି ସାନନ, କୃତି ଖବରବନ୍ଦା, ବରୁଣ ଧାଓ୍ବନ ପ୍ରମୁଖ ଟ୍ରେଲରକୁ ପସନ୍ଦ କରିଛନ୍ତି । ଏହା ସହ ଫିଲ୍ମର ଟ୍ରେଲରକୁ ନେଇ ସାମାଜିକ ଗଣମାଧ୍ୟମରେ ଖୁବ୍ ଚର୍ଚ୍ଚା ହେଉଛି ।ତେବେ ଏହି ଟ୍ରେଲର ରିଲିଜ ହେବାର କିଛି ସମୟ ପୂର୍ବରୁ ସୋସିଆଲ ମିଡ଼ିଆରେ ଖୋଦ୍ ଅକ୍ଷୟ କୁମାର କିୟାରା ଆଡଭାନୀଙ୍କ ସହ ନିଜର ଏକ ଫଟୋ ସେୟାର କରିଥିଲେ । ୩୦ ବର୍ଷ ଫିଲ୍ମ କ୍ୟାରିଅର ମଧ୍ୟରେ ଏଭଳି ଚରିତ୍ର ତାଙ୍କ ପାଇଁ ବେଶ୍ ଚାଲେଞ୍ଜପୂଣ୍ଣ ଥିବା ସେ କହିଛନ୍ତି । ଏ ଚରିତ୍ର ତାଙ୍କ ପାଇଁ ଏକଦମ ନୂଆ । ଏ ଫିଲ୍ମ ଓ ଚରିତ୍ରର ସମସ୍ତ ଶ୍ରେୟ ସେ ନିର୍ଦେଶକ ଲରେନ୍ସଙ୍କୁ ଦେଇଛନ୍ତି । ଫିଲ୍ମଟି ନଭେମ୍ବର ୯ ତାରିଖରେ ଅର୍ଥାତ୍ ଦୀପାବଳିରେ ମୁକ୍ତିଲାଭ କରିବ ।