ଆରମ୍ଭ ହେଲା ‘ଏରୋ ଇଣ୍ଡିଆ’-୨୦୨୧

ସତ୍ୟଶିଖା ୦୩/୦୨/୨୦୨୧ : ବେଙ୍ଗାଲୁରୁର ୟେଲାହାଙ୍କା ବିମାନଘାଟି ଠାରେ ବୁଧବାରଠାରୁ ୩ ଦିନିଆ ‘ଏରୋ ଇଣ୍ଡିଆ’ ପ୍ରଦର୍ଶନୀ, ଆରମ୍ଭ ହୋଇଛଛି । ପ୍ରତିରକ୍ଷାମନ୍ତ୍ରୀ ରାଜନାଥ ସିଂହ ଏହାକୁ ଉଦଘାଟନ କରିଛନ୍ତି । ଏହା ହେଉଛି ଏସିଆର ସର୍ବ ବୃହତ ଏରୋ ସୋ ।
ଏହା ହେଉଛି ବିଶ୍ବର ପ୍ରଥମ ହାଇବ୍ରିଡ୍ (ମିଶ୍ରିତ) ଏରୋସ୍ପେସ୍ ସୋ । ଏଥିରେ ଭାରତୀୟ ଯୁଦ୍ଧ ବିମାନ L.C.A-Tejas ଏବଂ ଆମେରିକୀୟ ବୋମା ବର୍ଷଣକାରୀ ସମେତ ପ୍ରସିଦ୍ଧ ଯୁଦ୍ଧ ବିମାନ ପ୍ରତ୍ୟକ୍ଷ ଏବଂ ଭର୍ଚୁଆଲ ମାଧ୍ୟମରେ ନିଜର ଶକ୍ତି ପ୍ରଦର୍ଶନ କରୁଛନ୍ତି ।

ପ୍ରତି ଦୁଇ ବର୍ଷରେ ଥରେ ଆୟୋଜିତ ହେଉଥିବା ଏହି ଏୟାର ସୋ’ର ୧୩ତମ ସଂସ୍କରଣରେ ’ଆତ୍ମନିର୍ଭରଶୀଳ ଭାରତ ଅଭିଯାନ’ ଏବଂ ’ମେକ୍ ଇନ୍ ଇଣ୍ଡିଆ’ର ପ୍ରଭାବ ଦେଖିବାକୁ ମିଳିଛି । ଏଥିରେ ୧୪ ଟି ଦେଶ ଏବଂ କମ୍ପାନୀର ଏକ ପ୍ରତିନିଧୀ ଦଳ ଏଥିରେ ଅଂଶଗ୍ରହଣ କରିଛନ୍ତି । ଆମେରିକାର ପ୍ରତିନିଧି ତଥା ପ୍ରତିରକ୍ଷା ଶିଳ୍ପର ଡନ୍ ହେଫଲିନ୍ ପ୍ରତିନିଧିତ୍ୱ କରୁଛନ୍ତି ।