ସତ୍ୟଶିଖା ( ମୁମ୍ବାଇ ) ୧୨ .୦୯.୨୦୨୦ : ପ୍ରଚ୍ଛଦପଟ ଗାୟିକା ଅନୁରାଧା ପୋଡୱାଲଙ୍କ ପୁଅ ଆଦିତ୍ୟ ପୋଡୱାଲଙ୍କ ଆଜି ସକାଳେ ମାତ୍ର ୩୫ ବର୍ଷ ବୟସରେ ଦେହାନ୍ତ ଘଟିଛି । ସେ କିଡନୀ ସମସ୍ୟାରେ ପିଡିତ ହୋଇ ଡାକ୍ତରଖାନାରେ ଚିକିତ୍ସିତ ହେଉଥିଲେ । ଆଦିତ୍ୟ କିଛି ମାସ ହସ୍ପିଟାଲରେ ଭର୍ତ୍ତି ହୋଇଥିଲେ ଏବଂ ଶନିବାର ସକାଳେ ଶେଷ ନିଶ୍ୱାସ ତ୍ୟାଗ କରିଥିଲେ । ତେବେ କିଡନୀ ଫେଲ୍ ହେବା ଯୋଗୁଁ ତାଙ୍କର ମୃତ୍ୟୁ ଘଟିଥିବା ମିଡ଼ିଆ ରିପୋର୍ଟରୁ ପ୍ରକାଶ । ତାଙ୍କର ମୃତ୍ୟୁ ନେଇ ଗାୟକ ତଥା ସଂଗୀତକାର ଶକର ମହାଦେବନ୍ ସୋସିଆଲ ମିଡିଆରେ ସୂଚନା ଦେଇଛନ୍ତି । ଆଦିତ୍ୟ ଜଣେ ମ୍ୟୁଜିକ ଆରେଞ୍ଜର ଏବଂ ପ୍ରଡ୍ୟୁସର ଥିଲେ । ସେ ‘ଠାକରେ’ ଚଳଚ୍ଚିତ୍ର ସହ ଜଡିତ ଥିବା ବେଳେ ଏହି ଚଳଚ୍ଚିତ୍ରର ଗୀତ ‘ସାହେବ ତୁ’ର ପ୍ରଡ୍ୟୁସର ମଧ୍ୟ ଥିଲେ । ଆହୁରି ମଧ୍ୟ ଦେଶର ସବୁଠାରୁ କନିଷ୍ଠ ସଙ୍ଗୀତ ପ୍ରଡ୍ୟୁସର ଭାବେ ତାଙ୍କ ନାମ ‘ଲିମକା ବୁକ୍ ଅଫ୍ ରେକର୍ଡସ୍’ ରେ ସ୍ଥାନ ପାଇଛି ।
ସମ୍ବନ୍ଧିତ ଖବର
-
-
-
-
-
-
-
-
-
-
