ମାନହାନି ମୋକଦ୍ଦମା ଜିତିଲେ ଅଭିନେତ୍ରୀ ଋଚା ଚଡ୍ଢା, ପାୟଲ କହିଲେ- ମାମଲା ବିଚାରାଧୀନ ଅଛି, କେମିତି ଜିତିଲେ?

ସତ୍ୟଶିଖା (ନୂଆଦିଲ୍ଲୀ) ୧୦.୧୦.୨୦୨୦ : ବଲିଉଉ ଅଭିନେତ୍ରୀ ଋଚା ଚଡ୍ଢା ଓ ପାୟଲ ଘୋଷଙ୍କ ମଧ୍ୟରେ ବିବାଦ ଲାଗି ରହିଛି । ପାୟଲ ନିର୍ଦେଶକ ଅନୁରାଗ କଶ୍ୟପଙ୍କ ବିରୋଧରେ ଯୌନ ଶୋଷଣ ମାମଲା ଆଣିବା​‌ ବେଳେ ସେ ଋଚାଙ୍କ ନାଁ ନେଇ ଥିଲେ । ଏହା ପରେ ଋଚା ପାୟଲଙ୍କ ବିରୋଧରେ ମାନହାନି ମକଦ୍ଦମା କରିଥିଲେ । ବମ୍ବେ ହାଇକୋର୍ଟରେ ପାୟଲ ଋଚା ଚଢ଼ାଙ୍କୁ କ୍ଷମା ମାଗିଛନ୍ତି । ମାତ୍ର କୋର୍ଟରୁ ବାହାରକୁ ଆସିବା ପରେ ପାୟଲ ଘୋଷ ଋଚାଙ୍କୁ କ୍ଷମା ମାଗିବାକୁ ସ୍ପଷ୍ଟ ମନା କରି ଦେଇ ଥିଲେ ।ଏବେ ଋଚା ତାଙ୍କ ଇନଷ୍ଟାରେ ବମ୍ବେ ହାଇକୋର୍ଟଙ୍କ ନିଷ୍ପତ୍ତିର କପିକୁ ସେୟାର କରିଛନ୍ତି । ଏହା ସହ କହିଛନ୍ତି ସେ ମାମଲା ଜିତିଯାଇଛନ୍ତି । ବମ୍ବେ ହାଇକୋର୍ଟଙ୍କୁ ଧନ୍ୟବାଦ ମଧ୍ୟ ଜଣାଇଛନ୍ତି । ଏତିକି ନୁହେଁ, ହାଇକୋର୍ଟ ଓ୍ବେବସାଇଟରେ ମଧ୍ୟ କପି ଉପଲବ୍ଧ ଅଛି । ତେବେ ଏହାର ଆଗାମୀ ଶୁଣାଣି ଅକ୍ଟୋବର ୧୨ରେ ହେବ ବୋଲି ଏହି ଶୁଣାଣିରେ କୁହାଯାଇଛି । ଋଚାଙ୍କ ପୋଷ୍ଟରେ ପ୍ରତିକ୍ରିୟା ରଖିଛନ୍ତି ପାୟଲ । ସେ ତାଙ୍କ ଟ୍ବିଟରେ ଲେଖିଛନ୍ତି ଯେତେବେଳେ ମାମଲା ବିଚାରଧୀନ ରହିଛି ଓ ଏବେ ସୁଦ୍ଧା ନିଷ୍ପତ୍ତି ଆସି ନାହିଁ, ସେ ମାମଲା ଜିତିଲେ କେମିତି? ସେ ଏକଥା କିପରି ଦାବି କରୁଛନ୍ତି । ଏ​‌ବେ ସାମାଜିକ ଗଣମାଧ୍ୟମରେ ଏ ଦୁହିଁଙ୍କ ପୋଷ୍ଟ ଭାଇରାଲ ହେଉଛି ।