ଅଭିନେତ୍ରୀ ମଲ୍ଲିକା ଶେରାଓ୍ବତ କହିଲେ- ‘ମୋ ଫିଲ୍ମରେ ଯଦି ସମସ୍ୟା ହେଉଛି ତାହେଲେ ଦେଖ ନାହିଁ’

ସତ୍ୟଶିଖା (ନୂଆଦିଲ୍ଲୀ) ୦୮.୧୦.୨୦୨୦ : ହାଥରସ ଗଣଦୁଷ୍କର୍ମ ମାମଲାରେ ଅନେକ ବଲିଉଡ ସେଲିବ୍ରିଟି ମୁହଁ ଖୋଲିଛନ୍ତି । ପୀଡ଼ିତାଙ୍କ ପରିବାର ପାଇଁ ମଧ୍ୟ ସେମାନେ ନ୍ୟାୟ ଦାବି କରୁଛନ୍ତି । ଏହି କ୍ରମରେ ଅଭିନେତ୍ରୀ ମଲ୍ଲିକା ଶେରାଓ୍ବତ ସାମାଜିକ ଗଣମାଧ୍ୟମରେ ଅପରାଧ ମାମଲାରେ ନିଜ ପ୍ରତିକ୍ରିୟା ରଖିଛନ୍ତି । ତେବେ ଜଣେ ୟୁଜର ମହିଳାଙ୍କ ସହ ହେଉଥିବା ଦୁଷ୍କର୍ମ ଓ ଯୌନ​‌ ଶୋଷଣ ଘଟଣା ପାଇଁ ମଲ୍ଲିକାଙ୍କୁ ଦାୟୀ କରିଛନ୍ତି । ଏ ପାଇଁ ମଲ୍ଲିକାଙ୍କ ଅଭିନୀତ ଫିଲ୍କକୁ ସେମାନେ ଦୋଷୀ ବୋଲି ଭାବୁଛନ୍ତି । ତେବେ ଏହାକୁ ନେଇ ୟୁଜରଙ୍କୁ ଜବାବ ଦେଇଛନ୍ତି ମଲ୍ଲିକା ।ମଲ୍ଲିକା ଟ୍ୱିଟ୍ କରିଛନ୍ତି ଯେତେ ପର୍ଯ୍ୟନ୍ତ ଭାରତରେ ମହିଳାଙ୍କ ପ୍ରତି ଲୋକଙ୍କର ମଧ୍ୟକାଳୀନ ଚିନ୍ତାଧାରା ବଦଳିବ ନାହିଁ, ସେତେ ପର୍ଯ୍ୟନ୍ତ କିଛି ବି ବଦଳିବ ନାହିଁ । ତାଙ୍କର ଏଭଳି ଟ୍ୱିଟରେ ଜଣେ ୟୁଜର କହିଛନ୍ତି, ‘ଯେଉଁଭଳି ଚରିତ୍ର ଆପଣ ବଲିଉଡ ଫିଲ୍ମରେ କରିଛନ୍ତି ଏଭଳି ବୟାନ ଆପଣଙ୍କର ଆଦୌ ଗ୍ରହଣୀୟ ନୁହେଁ । ଫିଲ୍ମରେ ଯେଉଁଭଳି ଭାବେ ଆପଣ ମେସେଜ ଦେଉଛନ୍ତି ଆପଣଙ୍କୁ ଲାଗୁ ନାହିଁ ତାହା ମଧ୍ୟ ଏକ ପ୍ରମୁଖ ଭୂମିକା ଗ୍ରହଣ କରୁଛି । ପରିବର୍ତନ ତାଙ୍କଠାରୁ ଆରମ୍ଭ ହେବା ଦରକାର ଯିଏ ଏ ବାବଦରେ ଆଳୋଚନା କରୁଛନ୍ତି ।’

ମଲ୍ଲିକା ମଧ୍ୟ ୟୁଜରଙ୍କୁ ମଧ୍ୟ କଟୁ ମନ୍ତବ୍ୟ ଦେଇଛନ୍ତି । ସେ କହିଛନ୍ତି ‘ଯେଉଁ ଫିଲ୍ମରେ ମୁଁ କାମ କରିଛି ତାହା କ’ଣ ଦୁଷ୍କର୍ମ ଘଟଣାକୁ ନିମନ୍ତ୍ରଣ କରୁଛି ।’ ଏହା କେବଳ ତମ ମାନଙ୍କ ଭଳି କିଛି ଲୋକଙ୍କ ଚିନ୍ତାଧାରା । ଯାହା ଭାରତୀୟ ସମାଜରେ ମହିଳାଙ୍କୁ ପଛକୁ ​‌ହିଁ ନେଉଛି । ଯଦି ମୋ ଫିଲ୍ମ ଦେଖିବାରେ ଅସୁବିଧା ହେଉଛି ତେବେ ତାକୁ ଦେଖ ନାହିଁ ।’