ସତ୍ୟଶିଖା(ଭୁବନେଶ୍ୱର) ୦୬.୦୮ .୨୦୨୧: ଏସିଏଫ ସୌମ୍ୟରଞ୍ଜନ ମହାପାତ୍ର ମୃତ୍ୟ ମାମଲାରେ ବିବାଦରେ ଜଙ୍ଗଲ ମନ୍ତ୍ରୀ ବିକ୍ରମ କେଶରୀ ଆରୁଖ । ଏହାରି ଭିତରେ ମନ୍ତ୍ରୀଙ୍କ ପିଏସଙ୍କ ବଦଳି ହୋଇଛି । ଯାହାକୁ ନେଇ ଅନେକ ପ୍ରଶ୍ନ ଉଠୁଛି । ବିବାଦକୁ ଟାଣିହେଉଥିବା ମନ୍ତ୍ରୀଙ୍କ ବ୍ୟକ୍ତିଗତ ସଚିବଙ୍କ ଟ୍ରାନ୍ସଫରକୁ ନେଇ ସନ୍ଦେହ ବଢୁଛି ।
ସବୁଠୁ ବଡ଼ କଥା ହେଉଛି ବିକ୍ରମ ଆରୁଖଙ୍କ ବ୍ୟକ୍ତିଗତ ସଚିବ ଦିପ୍ତୀ ରଞ୍ଜନ ବେହେରାଙ୍କ ଅଚାନକ ବଦଳି କରାଯାଇଛି । ତାଙ୍କୁ କୋରାପୁଟ ବଦଳି କରାଯାଇଛି । ଦିନ 2ଟା ବେଳେ ବଦଳି ନିର୍ଦ୍ଦେଶନାମା ବାହାରିଲା ଏବଂ 15 ମିନିଟରେ ଦାୟିତ୍ବ ହସ୍ତାନ୍ତର ପାଇଁ କୁହାଗଲା । 24 ଘଣ୍ଟା ଭିତରେ କୋରାପୁଟରେ କାମରେ ଯୋଗ ଦେବା ପାଇଁ କୁହାଗଲା ।
ଏହାପୂର୍ବରୁ ମନ୍ତ୍ରୀଙ୍କ ଦୂର ସମ୍ପର୍କୀୟା ଡିଏଫଓ ସଂଗ୍ରାମ ବେହେରାଙ୍କୁ ମନ୍ତ୍ରୀ ଦେଉଛନ୍ତି ସୁରକ୍ଷା । ଏଭଳି ଅଭିଯୋଗ ସୌମ୍ୟଙ୍କ ପରିବାର ପକ୍ଷରୁ ଆସିବା ପରେ ବିବାଦ ଘେରକୁ ଆସିଛନ୍ତି ଖୋଦ୍ ଜଙ୍ଗଲମନ୍ତ୍ରୀ ଓ ତଦନ୍ତକାରୀ ସଂସ୍ଥା । ଏପରିକି ଜଙ୍ଗଲମନ୍ତ୍ରୀଙ୍କ ଚାପ ପାଇଁ ପୋଲିସ ତଦନ୍ତ ଦିଗହରା ହେଉଥିବାର ସଙ୍ଗୀନ ଅଭିଯୋଗ ସାମ୍ନାକୁ ଆସୁଛି ।
