ପୁରୀ ରୁ ଧରାପଡିଲା ଜଙ୍ଗଲୀ ବାର୍‌ହା

ସତ୍ୟଶିଖା(ପୁରୀ) ୦୭/୧୨/୨୦୨୦ : ପୁରୀ ସହରରେ ଆତଙ୍କ ଖେଳାଇଥିବା ବାରହାକୁ ଧରିଲା ବନ ବିଭାଗ । ରବିବାରଠାରୁ ଲୋକନାଥ ରୋଡ୍ ଛପନ ଛକଠାରେ ଥିବା ଏକ ଡ୍ରେନ୍ ଭିତରୁ ବାରହାକୁ ଉଦ୍ଧାର କରିଛି ବନ ବିଭାଗ ।

ସୋମବାର ଭୋର ୫ଟା ସମୟରେ ବାରହାଟି ଲୋକନାଥ ରୋଡ୍ ଦେଇ ଆସୁଥିବାର ସ୍ଥାନୀୟ ଲୋକ ଦେଖିବା ସହ ଭୟଭୀତ ହୋଇଥିଲେ । ଏନେଇ ବାସେଳୀ ସାହି ଥାନା ପୋଲିସ ଘଟଣାସ୍ଥଳରେ ପହଞ୍ଚି ବନ ବିଭାଗ ଓ ଅଗ୍ନିଶମ ବିଭାଗ ଅଧିକାରୀଙ୍କୁ ଖବର ଦେଇଥିଲେ । ଘଟଣାସ୍ଥଳରେ ସମସ୍ତ ଅଧିକାରୀ ଓ କର୍ମଚାରୀ ପହଞ୍ଚିବା ପରେ ପ୍ରାୟ ଅଢେଇ ଘଣ୍ଟାର ଅକ୍ଳାନ୍ତ ପରିଶ୍ରମ ପରେ ଡ୍ରେନ୍ ଭିତରୁ ବାରହାକୁ ଉଦ୍ଧାର କରିଥିଲେ । ଏହାକୁ ଦେଖିବା ପାଇଁ ସ୍ଥାନୀୟ ଅଞ୍ଚଳରେ ପ୍ରବଳ ଭିଡ ଜମିଥିଲା ।ରବିବାର ଭୋର ୪ଟା ସମୟରେ ସ୍ବର୍ଗଦ୍ବାର ଅଞ୍ଚଳରେ ବାରହା ଆକ୍ରମଣରେ ୬ ଜଣ ଆହତ ହୋଇଥିବା ବେଳେ ଜଣେ ଗୁରୁତର ଆହତ ହୋଇ ସଦର ଚିକିତ୍ସାଳୟରେ ଚିକିତ୍ସିତ ହେଉଛନ୍ତି । ଏହି ଘଟଣା ପ୍ରଥମେ ନ୍ୟୁଜ୍ ୭ରେ ଖବର ପ୍ରସାରଣ ହେବା ପରେ ପୁରୀ ସହରବାସୀ ବାରହା ଆକ୍ରମଣରୁ ବର୍ତ୍ତିବା ପାଇଁ ସତର୍କ ହୋଇଥିଲେ । ଅନ୍ୟପଟେ ଗୋଟିଏ ନୁହେଁ ପୁରୀ ସହର ଭିତରେ ଆହୁରି ୪ଟି ବାରହା ବୁଲୁଥିବାର ଦେଖିଥିବା କହିଛନ୍ତି ସ୍ଥାନୀୟ ଲୋକେ ।