ଦଶହରାରେ ଓଡ଼ିଆ ଦର୍ଶକଙ୍କୁ ନୂଆ ଭେଟି

ଓଡିଶା ପ୍ରକୃତିର ଓ ଗାଥା କୁ ନେଇ ନିର୍ମିତ ଓଡ଼ିଆ ଚଳଚ୍ଚିତ୍ର  ମାଲ୍ୟଗିରି।  ଆଜି କଟକ ବୃନ୍ଦାବନ ହଲ୍ ରେ  ଫିଲ୍ମ ଟି ରିଲିଜ୍ ହୋଇଯାଇଛି। ରେନ ଡ୍ରପ ପ୍ରଡକ୍ସନ, ବିଭସ୍ ଏଣ୍ଟରଟେନମେଣ୍ଟ , ତଥ୍ୟ ପ୍ରଡକ୍ସନ ଓ ବାବୁଶାନ୍ ଫିଲ୍ମ ର ମିଳିତ ପ୍ରୟାସ ରେ ନିର୍ମିତ ଏହି ଚଳଚ୍ଚିତ୍ର ରେ  ନାୟକ ଭାବରେ ଓଲିଉଡ ସୁପର ଷ୍ଟାର ବାବୁଶାନ୍ ମହାନ୍ତି ଓ ଅମ୍ଳାନ ଦାସ୍ ଙ୍କୁ ଏକା ସାଙ୍ଗରେ ଦେଖିବାକୁ ମିଳିଛି। ସେହିଭଳି ନାୟିକା ଭାବେ ଶିବାନୀ ସଙ୍ଗୀତା ଓ ସୂର୍ୟମୟୀ ଙ୍କୁ ଦେଖିବାକୁ ମିଳିଛି। ନାୟିକା ଏଲିନା ସାମନ୍ତରାୟ  ଫିଲ୍ମରେ ନଜର ଆସିଛନ୍ତି। ପାହାଡ଼ ପର୍ବତ ଓ ଆଦିବାସୀ ଚଳନୀ, ରହଣୀକୁ ନେଇ ନିର୍ମିତ ଏହି ଚଳଚ୍ଚିତ୍ର। ତେବେ ଏକ  ଭିନ୍ନ ଭୂମିକା ରେ ନଜର ଆସିଛନ୍ତି ବାବୁଶାନ୍ ଓ ଅମ୍ଳାନ।

ଓଡ଼ିଶାର ପାହାଡିଆ ଅଞ୍ଚଳରେ ବାସ କରୁଥିବା ଲୋକଙ୍କ ଭାଷା କ ଏହି ଫିଲ୍ମ ରେ ସ୍ଥାନିତ କରାଯାଇଥିବା ବେଳେ ଫିଲ୍ମ ଟିରେ ଭରପୁର ଓଡ଼ିଶା ର ପ୍ରାକୃତିକ ସୋନ୍ଦର୍ଯ୍ୟ କୁ ଦେଖାଯାଇଛି। ସେହିଭଳି ଆଜି ଫିଲ୍ମ ର ରିଲିଜ୍ ପରେ ବହୁତ୍ ଦର୍ଶକଙ୍କ ଭଲ ପାଇବା ମିଳି ଥିବା କଥା କହିଛନ୍ତି ନାୟକ ଓ ନାୟିକା। ସେହିଭଳି ଫିଲ୍ମ ଟି ରେ ଥିବା ଭିନ୍ନ କାହାଣୀ ଓ ଭିନ୍ନ ଚରିତ୍ର ଦର୍ଶକଙ୍କୁ ଆକର୍ଷିତ କରିବ ବୋଲି କହିଛନ୍ତି ନିର୍ଦ୍ଦେଶକ। ସେପଟେ ବାବୁସାନ ଙ୍କ ଫିଲ୍ମ ଦେଖିବା ପାଇଁ ପିପିଲି ରୁ ସାଇକେଲ ନେଇ ଆସିଛନ୍ତି ବାବୁଶାନ ଙ୍କ ଫ୍ୟାନ ଅଜୁ । ସେ କହିଛନ୍ତି ବାବୁସାନ ଙ୍କ ଏହି ମାଲ୍ୟଗିରି ଫିଲ୍ମ ପୁଜା ବଜ଼ାରରେ ସୁପର ହିଟ ହେବ।