ସତ୍ୟଶିଖା ୧୪.୦୮.୨୦୨୦ : ବିମାନ ଦୁର୍ଘଟଣା ଯାଂଚ୍ ବୋର୍ଡ (ଏଏଆଇବି) କେରଳର କୋଝିକୋଡରେ ହୋଇଥିବା ବିମାନ ଦୁର୍ଘଟଣା ଯାଂଚ୍ କରିବା ପାଇଁ 5 ଜଣିଆ ସଦସ୍ୟ ବିଶିଷ୍ଟ ଏକ ପ୍ୟାନେଲ ଗଠନ କରିଛି । ଏହି ପ୍ୟାନେଲ 5 ମାସ ମଧ୍ୟରେ ରିପୋର୍ଟ ଦେବ । ଗତ ସପ୍ତାହରେ ହୋଇଥିବା ଏହି ଦୁର୍ଘଟଣାରେ 2 ପାଇଲଟଙ୍କ ସମେତ 18 ଜଣଙ୍କର ମୃତ୍ୟୁ ହୋଇଥିଲା ।
ଏଏଆଇବି ପକ୍ଷରୁ କୁହାଯାଇଛି ଯେ, ଯାଂଚ୍ ପ୍ରମୁଖ ଯାଂଚ୍ କରି ଏଏଆଇବି ନିକଟରେ ରିପୋର୍ଟ ଜମା କରିବେ । 5 ମାସ ମଧ୍ୟରେ ଯାଂଚ୍ ପୂରଣ ହେବ। ପୂର୍ବ ନାମିତ ପରୀକ୍ଷକ ଏସଏସ ଚହରଙ୍କୁ ଯାଂଚ୍ ପାଇଁ ଗଠିତ ଏହି ପ୍ୟାନେଲର ପ୍ରମୁଖ କରାଯାଇଛି ।
ଉଲ୍ଲେଖଯୋଗ୍ୟ, ଅଗଷ୍ଟ 7 ତାରିଖରେ ବନ୍ଦେ ଭାରତ ମିଶନ ଅଧିନରେ ଏୟାର ଇଣ୍ଡିଆ ଏକ୍ସପ୍ରେସ୍ ଯୋଗେ ପ୍ରବାସୀମାନେ ଦୁବାଇରୁ ଫେରୁଥିଲେ । ଏଥିରେ 190 ଜଣ ଯାତ୍ରୀ ସବାର ଥିଲେ । ବିମାନଟି କେରଳର କୋଝିକୋଡ ବିମାନ ବନ୍ଦରରେ ପ୍ରବଳ ବର୍ଷାରେ ଅବତରଣ କରିବା ବେଳେ ସ୍ଲିପ କରି ଏକ ଖାଇରେ ପଡିଥିଲା । ଫଳରେ ବିମାନଟି ଦୁଇଖଣ୍ଡ ହୋଇଯାଇଥିଲା । ଦୁର୍ଘଟଣାରେ 2 ପାଇଲଟଙ୍କ ସମେତ 18 ଜଣଙ୍କର ମୃତ୍ୟୁ ହୋଇଥିଲା । ବହୁ ଲୋକ ଆହତ ହୋଇଥିଲେ ।
