

ସତ୍ୟଶିଖା ୧୨.୦୮.୨୦୨୦ : କର୍ଣ୍ଣାଟକ ଚିତ୍ରଦୁର୍ଗର ଏକ ଘରୋଇ ବସରେ ଅଗ୍ନିକାଣ୍ଡ ଘଟି 5 ଜଣଙ୍କର ମୃତ୍ୟୁ ହୋଇଛି। ଏହି ଦୁର୍ଘଟଣାରେ 27 ଜଣ ଆହତ ହୋଇଛନ୍ତି । ଆହତଙ୍କୁ ଜିଲ୍ଲା ହସ୍ପିଟାଲରେ ଭର୍ତ୍ତି କରାଯାଇଛି। ଦୁର୍ଘଟଣାଗ୍ରସ୍ତ ଘରୋଇ ବସଟି ବେଙ୍ଗାଲୁରରୁ ବିଜୟାପୁରା ଯାଉଥିଲା । ଚିତ୍ରଦୁର୍ଗ ହାଇୱେରେ ଅଚାନକ ବସରେ ନିଆଁ ଲାଗିଯାଇଥିଲା। ଅଗ୍ନିକାଣ୍ଡ ସମୟରେ ବସରେ 32 ଜଣ ଯାତ୍ରୀ ଥିଲେ ।
ସୂଚନାନୁଯାୟୀ, ମୃତକଙ୍କ ମଧ୍ୟରେ 2 ଜଣ ଶିଶୁ ଓ ଜଣେ ମହିଳା ଅଛନ୍ତି । ଇଞ୍ଜିନରେ ତ୍ରୁଟି ଯୋଗୁଁ ଅଗ୍ନିକାଣ୍ଡ ଘଟିଥାଇପାରେ ବୋଲି ଅନୁମାନ କରାଯାଉଛି । ହରିୟୁରର ଏସପି ରାଧିକା ଘଟଣାସ୍ଥଳରେ ପହଞ୍ଚି ଯାଂଚ୍ କରୁଛନ୍ତି । ସ୍ଥାନୀୟ ପୁଲିସ ଏଫଆଇଆର ରୁଜୁ କରି ମାମଲାର ଯାଂଚ୍ କରୁଛି ।