ସତ୍ୟଶିଖା ୧୧.୦୮.୨୦୨୦ : ଅଣାୟତ୍ତ ହୋଇଚାଲିଛି କରୋନା । ସମ୍ବଲପୁରରେ ମଧ୍ୟ ପ୍ରତିଦିନ ମଧ୍ୟ କରୋନା ସଂକ୍ରମଣ ସଂଖ୍ୟା ବଢିବାରେ ଲାଗିଛି। ସମ୍ବଲପୁରରେ କରୋନା ନେଇଛି କୋଭିଡ ଯୋଦ୍ଧାଙ୍କ ଜୀବନ । ସମ୍ବଲପୁରର ବୁର୍ଲା ସ୍ଥିତ କୋଭିଡ ହସ୍ପିଟାଲରେ ଗତକାଲି ବିଳମ୍ବିତ ରାତ୍ରିରେ ଜଣେ ୫୨ ବର୍ଷିୟ ପୋଲିସ କନଷ୍ଟେବଳ କରୋନାରେ ମୃତ୍ୟୁବରଣ କରିଛନ୍ତି ।
ସୂଚନାଯୋଗ୍ୟ ଯେ, ସେ ସମ୍ବଲପୁର ଜିଲ୍ଲା ରେଙ୍ଗାଲି ଥାନାରେ କାର୍ଯ୍ୟରତ ଥିଲେ । ୧୯୯୨ ମସିହାରେ ସେ କନଷ୍ଟେବଳ ଭାବରେ ରାଉରକେଲାରେ ଯୋଗ ଦେଇଥିଲେ । ୨୦୧୦ ମସିହାରେ ସମ୍ବଲପୁର ଜିଲ୍ଲାକୁ ତାଙ୍କର ବଦଳି ହୋଇଥିଲା |। ତେବେ ତାଙ୍କୁ ଯଥୋଚିତ ସମ୍ମାନ ସହ ଗାର୍ଡ ଅଫ୍ ଅନର ଦିଆଯାଇଛି । କିଛି ସମୟ ପରେ ଶେଷକୃତ୍ୟ ସମ୍ପନ୍ନ କରାଯିବ ।
