ଲକ୍ଷ୍ନୌ: ମୁମ୍ୱାଇ ଘଟଣାର ପୁଣି ପୁନରାବୃତି। ରେଳ ଧାରଣାରେ ଶୋଇଥିବା ବେଳେ ଟ୍ରେନ୍ ମାଡ଼ିଯିବାରୁ ୪ ଜଣଙ୍କର ମୃତ୍ୟୁ ହୋଇଛି। ମୃତକଙ୍କ ମଧ୍ୟରେ ଜଣେ ପୁରୁଷ, ଦୁଇ ଜଣ ମହିଳା ଏବଂ ଜଣେ ନାବାଳିକା ରହିଛନ୍ତି। ଉତ୍ତର ପ୍ରଦେଶର ଚନ୍ଦୋଲି ଏଏସପି ପ୍ରେମ୍ ଚନ୍ଦ ଏହି ସୂଚନା ଦେଇଛନ୍ତି।
ରେଳ ଧାରଣାରୁ ୪ଟି ଶବ ମିଳିଛି। ମୃତ ଶରୀର ଗୁଡ଼ିକୁ ଶବ ବ୍ୟବଛେଦ ପାଇଁ ପଠାଇ ଦିଆଯାଇଛି। ତାଙ୍କ ପାଖରୁ କୌଣସି ଜିନିଷ ମିଳି ନାହିଁ। ଟ୍ରେନ୍ ଚାଳକ ସୂଚନା ଦେବା ପରେ ପୁଲିସ ଏହି ଦୁର୍ଘଟଣା ବାବଦରେ ଜାଣିବାକୁ ପାଇଛି ବୋଲି ଚନ୍ଦୋଲି ଏଏସପି ପ୍ରେମ୍ ଚନ୍ଦ କହିଛନ୍ତି।
चंदौली:पटरी पर चार शव मिले हैं जिसमें तीन महिलाएं और एक पुरुष है।शवों को शवगृह भेजा गया है।उनके पास से किसी तरह का कोई सामान नहीं मिला है।रेल के ड्राइवर ने सूचना दी थी कि ट्रेन की पटरी पर कुछ लोग सोए हुए थे जिनके ऊपर से ट्रेन गुजर गई है।शिनाख्त जारी है:प्रेम चंद ASP चंदौली उ.प्र. pic.twitter.com/1AXDKxkA3Z
— ANI_HindiNews (@AHindinews) May 27, 2020
ଆହୁରି ପଢ଼ନ୍ତୁ
ସୂଚନାଯୋଗ୍ୟ, ମଙ୍ଗଳବାର ରାତି ୮ଟା ୩୦ ପାଖାପାଖି ଏକ ମାଲଗାଡ଼ି ଚନ୍ଦୋଲି ଦେଇ ଯାଉଥିଲା। ଅନ୍ଧାର ଥିବାରୁ ହଠାତ୍ ମାଲ ଗାଡ଼ି ଚାଳକ ଜଣଙ୍କ ରେଳ ଧାରଣାରେ ଶୋଇଥିବା ୪ ଜଣଙ୍କୁ ଦେଖିପାରିନଥିଲେ। ମୃତକଙ୍କ ମଧ୍ୟରେ ଜଣେ ୪୦ ବର୍ଷୀୟ ପୁରୁଷ, ୩୬ ବର୍ଷୀୟ ମହିଳା, ୧୮ ବର୍ଷୀୟ ଯୁବତୀ ଏବଂ ୧୨ ବର୍ଷୀୟ ନାବାଳିକା ରହିଛନ୍ତି। ମୃତକମାନେ ଆତ୍ମହତ୍ୟା କରିବାକୁ ଯାଇ ଏଭଳି କରିଥାଇପାରନ୍ତି ବୋଲି ଆକଳନ କରାଯାଉଛି। ଏଥିସହ ଏହି ଚାରି ଜଣେ ଗୋଟିଏ ପରିବାରର ବୋଲି ଆକଳନ କରାଯାଉଛି।
ସୂଚନାଯୋଗ୍ୟ, କିଛି ଦିନ ପୂର୍ବରୁ ମୁମ୍ୱାଇରୁ ମଧ୍ୟପ୍ରଦେଶ ଆସୁଥିଲେ କିଛି ଶ୍ରମିକ। ରେଳ ଧାରଣା ଦେଇ ଚାଲି ଚଲି ଆସିବା ବେଳେ ନିଦ ଲାଗିବାରୁ ରେଳ ଧାରଣାରେ ଶୋଇ ପଡ଼ିଥିଲେ। ଏଥିରେ ୧୪ ଜଣ ପ୍ରବାସୀ ଶ୍ରମିକଙ୍କ ମୃତ୍ୟୁ ଘଟିଥିଲା।
[ad_2]
