ସତ୍ୟଶିଖା(ନୂଆଦିଲ୍ଲୀ )୦୯.୦୨.୨୦୨୨ : ୬ ଜଣ ନୂତନ ବିଚାରପତିଙ୍କ ପଦବୀ ଅନୁମୋଦନ ହୋଇଥିବାରୁ ଓଡ଼ିଶା ହାଇକୋର୍ଟରେ ବିଚାରପତିଙ୍କ ସଂଖ୍ୟା ୩୩ କୁ ବୃଦ୍ଧି ପାଇଛି। ଖବର ମୁତାବକ ଆଇନ ମନ୍ତ୍ରଣାଳୟ ହାଇକୋର୍ଟଙ୍କୁ ବିଚାରପତିଙ୍କ ସଂଖ୍ୟା ବୃଦ୍ଧି ପାଇଁ ଚିଠି ଲେଖିଛି। ଏହାପୂର୍ବରୁ ଓଡ଼ିଶା ହାଇକୋର୍ଟରେ ୨୭ ଜଣ ବିଚାରପତି ଥିଲେ।
ଜାନୁଆରୀ ପ୍ରଥମ ସପ୍ତାହରେ ଓଡ଼ିଶା ହାଇକୋର୍ଟର ପ୍ରଧାନ ବିଚାରପତି ଡକ୍ଟର ଏସ ମୁରଲିଧର କେନ୍ଦ୍ର ସରକାର ଏବଂ ସୁପ୍ରିମକୋର୍ଟଙ୍କୁ ବିଚାରପତିଙ୍କ ସଂଖ୍ୟାକୁ ୨୫ ପ୍ରତିଶତ ବୃଦ୍ଧି କରିବାକୁ ସୁପାରିଶ କରିଥିଲେ। ପ୍ରଧାନ ବିଚାରପତି ଏସ୍ ମୁରଲିଧରଙ୍କ ସମେତ ଓଡ଼ିଶା ହାଇକୋର୍ଟରେ ବର୍ତ୍ତମାନ ୧୮ ଜଣ ବିଚାରପତି ଅଛନ୍ତି।
ସୁପ୍ରିମକୋର୍ଟ କଲେଜିୟମ ନିକଟରେ ଭି ନରସିଂହ, ସଞ୍ଜୟ କୁମାର ମିଶ୍ର, ବିରଜା ପ୍ରସନ୍ନ ସତ୍ୟପାଠୀ ଏବଂ ଶ୍ରୀ ରମଣ ମୁରହରିଙ୍କ ସମେତ ଆଉ ଚାରିଜଣ ବିଚାରପତିଙ୍କ ନାମ ସୁପାରିଶ କରିଛନ୍ତି। ଏମାନଙ୍କ ନିଯୁକ୍ତିକୁ ମିଶାଇ ଏବେ ଜଜ୍ଙ୍କ ସଂଖ୍ୟା ୨୨ରେ ପହଁଞ୍ଚିବ । ପୁର୍ବରୁ ଓଡ଼ିଶା ହାଇକୋର୍ଟ ଅନୁମତି ପ୍ରାପ୍ତ ବିଚାରପତିଙ୍କ ସଂଖ୍ୟା ୨୭ ରହିଛି। ବର୍ତ୍ତମାନ ୧,୭୦,୦୦୦ ରୁ ଅଧିକ ମାମଲା ଓଡ଼ିଶା ହାଇକୋର୍ଟରେ ବିଚାରାଧୀନ ଅଛି।
