ସତ୍ୟଶିଖା ( ଭୁବନେଶ୍ୱର )୩୦/୦୮/୨୦୨୧: ଆକଳନ ଅନୁସାରେ, ଅକ୍ଟୋବରରୁ ନଭେମ୍ବର ମଧ୍ୟରେ ଦେଶ କରୋନାର ତୃତୀୟ ଲହର ସାମ୍ନା କରିବ, ଯଦି ବର୍ତମାନର ଭାରିଆଂଟ ତୁଳନାରେ ନୁଆ ଏକ ଘାତକ ଷ୍ଟ୍ରେନ ପ୍ରଭାବ ବିସ୍ତାର କରେ ।
-ଯଦି କରୋନାର ନୁଆ କିଛି ଭାରିଆଂଟ ଆସେ, ତେବେ କରୋନାର ପିକ୍ କିଛି ଏଭଳି ରହିବ, ଯାହା ଦ୍ୱିତୀୟ ଲହର ତୁଳନାରେ ଯଥେଷ୍ଟ କମ୍ ଘାତକ ହେବ । ଅର୍ଥାତ୍, ବିଶେଷ ପ୍ରଭାବ ପକାଇବ ନାହିଁ ।
ଯଦି ବର୍ତମାନର ସ୍ଥିତି ଯାହା ରହିଛି ତାହା ବଜାୟ ରୁହେ, ତେବେ ସଂକ୍ରମଣର ସଂଖ୍ୟାରେ ବିଶେଷ କିଛି ପ୍ରଭାବ ପଡିବ ନାହିଁ ।
ସଂକ୍ରମଣର ପୂର୍ବାନୁମାନ କରିବାକୁ ଗଠିତ ହୋଇଥିବା କମିଟିର ସଦସ୍ୟ ଅଛନ୍ତି, ଆଇଆଇଟି କାନପୁର ବୈଜ୍ଞାନିକ ଅନିନ୍ଦର ଅଗ୍ରୱାଲ । ଟ୍ୱିଟ କରି ସେ ଦେଇଥିବା ଏହି ସୂଚନା, କିଛି ପରିମାଣରେ ଆଶ୍ୱସ୍ତି ଆଣିଛି ।
ଆକଳନ ଅନୁସାରେ
-ତୃତୀୟ ଲହରର ପିକ୍ ବେଳେ ଦୈନିକ ସଂଖ୍ୟା ୧ ଲକ୍ଷ ରହିପାରେ
-ଦ୍ୱିତୀୟ ଲହର ବେଳେ ଶୀର୍ଷ ସଂକ୍ରମଣ ୪ ଲକ୍ଷ ଟପିଥିଲା
-ଯଦି କୈାଣସି ନୁଆ ଭାରିଆଂଟ ନଆସେ, ତେବେ ସ୍ଥିତାବସ୍ଥା ବଜାୟ ରହିବ
-ସେପ୍ଟେମ୍ବରରେ ୫୦% ଅଧିକ ସଂକ୍ରାମକ ଭାରିଆଂଟ ଆସିଲେ ବି ସ୍ଥିତି ସାମାନ୍ୟ ରହିବ
-ଗତ ମାସରେ ଏହି ମଡେଲରେ ଦୈନିକ ୧.୫ ରୁ ୨ ଲକ୍ଷ କେସ ନେଇ ପୂର୍ବାନୁମାନ
-ନୂଆ ଘାତକ ଭାରିଆଂଟ ଆସୁନଥିବାରୁ ମଡେଲରେ ହୋଇଛି ପରିବର୍ତନ
ଜୁଲାଇ ଏବଂ ଅଗଷ୍ଟରେ ହୋଇଥିବା ଟୀକାକରଣ, ଏବଂ ସେରୋ ସର୍ଭେର ତଥ୍ୟ ଆଧାରରେ ଏହି ଆକଳନ କରାଯାଇଥିବା ସୂଚନା ମିଳିଛି । କୁହାଯାଉଛି, ଆଗାମୀ ଦିନର ପୂର୍ବାନୁମାନରେ ସଂକ୍ରମଣ ସଂଖ୍ୟା ଲକ୍ଷେ ତଳକୁ ବି ଖସିପାରେ ।
