ସତ୍ୟଶିଖା,(ମାହାଙ୍ଗା) ୧୯.୦୩ .୨୦୨୧ : ବହୁ ଚର୍ଚ୍ଚିତ ମାହାଙ୍ଗା ବିଜେପି କର୍ମୀ ବିକାଶ ଜେନା ହତ୍ୟା ଘଟଣାରେ ଆଉ ଜଣେ ଅଭିଯୁକ୍ତ ଗିରଫ । ଅଭିଯୁକ୍ତ ସୁଧାଂଶୁ ସେଠୀଙ୍କୁ ଗିରଫ କରିଛି ମାହାଙ୍ଗା ପୋଲିସ । ହତ୍ୟାକାଣ୍ଡ ପରଠୁ ସୁଧାଂଶୁ ଆତ୍ମଗୋପନ କରି ବିଜୟନଗରମର ଏକ କାଷ୍ଟ ଆଇରନ୍ କମ୍ପାନୀରେ କାମ କରୁଥିଲେ । ସେଠାରୁ ତାଙ୍କୁ ଗିରଫ କରିଛି ମାହାଙ୍ଗା ପୋଲିସ । ଏବେ ସୁଦ୍ଧା ଏହି ଘଟଣାରେ ୭ ଜଣଙ୍କୁ ଗିରଫ କରାଯାଇ ସାରିଲାଣି ।
ବିକାଶ ଜେନା ହତ୍ୟା ଘଟଣାରେ ଅନେକ ଜଣଙ୍କ ନାଁରେ ମାମଲା ରୁଜୁ ହୋଇଥିଲା । ପୂର୍ବରୁ ୬ ଜଣଙ୍କୁ ଏବଂ ଗୁରୁବାର ଜଣଙ୍କୁ ଗିରଫ ପରେ ମୋଟ୍ ୭ ଜଣଙ୍କୁ ଗିରଫ କରିସାରିଲାଣି ପୋଲିସ । ମାହାଙ୍ଗା ଡବଲ ମର୍ଡର ପରଠାରୁ ଆକ୍ଟିଭ ମୁଡରେ ଆସିଥିଲା ମାହାଙ୍ଗା ପୋଲିସ ।
