ସତ୍ୟଶିଖା(ଭୁବନେଶ୍ୱର)୨୫.୦୨.୨୦୨୧ : ଜିଏସଟି,ବର୍ଦ୍ଧିତ ତୈଳ ଦର ଓ ଇ-ୱେ ବିଲ ଭଳି ଏକାଧିକ ପ୍ରସଙ୍ଗ ବିରୋଧରେ ଟ୍ରେଡ ୟୁନିୟନ ପକ୍ଷରୁ ଆସନ୍ତାକାଲି ଭାରତବନ୍ଦ ଡାକରା ଦିଆଯାଇଛି। ଓଡିଶା ବ୍ୟବସାୟୀ ମହାସଂଘ ମଧ୍ୟ ଏହି ବନ୍ଦ ଡାକରାକୁ ସମର୍ଥନ କରିଛି। ଏହି କାରଣରୁ ଆସନ୍ତା କାଲି ରାଜ୍ୟରେ ପ୍ରାୟ ୨୦ ଲକ୍ଷ ବ୍ୟବସାୟିକ ପ୍ରତିଷ୍ଠାନ ଗୁଡିକ ବନ୍ଦ ରହିବ। ଏହି ବନ୍ଦ ଡାକରାକୁ ଦେଶରେ ଥିବା ୪୦ ହଜାର ଟ୍ରେଡ ଆସୋସିଏସନ ସମର୍ଥନ କରିଛନ୍ତି। ଏହି ବନ୍ଦ ଡାକରାରେ ସର୍ବଭାରତୀୟ ପରିବହନ କଲ୍ୟାଣ ଆସୋସିଏସନ ସାମିଲ ହେବେ। ସମଗ୍ର ଦେଶରେ ଚକା ଜାମ କରାଯିବ। ସମସ୍ତ ଗାଡି ମୋଟର ଚଳାଚଳ ସହ ଦୋକାନ ବଜାର ବନ୍ଦ ରହିବ। ଉଭୟ ସଂଗଠନ ଇ-ୱେ ବିଲକୁ ସରକାର ପ୍ରତ୍ୟାହାର ଦାବି ସହ ଦେଶରେ ତୈଳ ଦର ଉପରେ ଲାଗୁଥିବା ଟିକସକୁ ହଟାଯାଉ ବୋଲି ପ୍ରସ୍ତାବ ରଖିଛନ୍ତି।
