ସତ୍ୟଶିଖା ୧୬/୦୨/୧୦୨୧ : ବିହାର ରାଜଧାନୀ ପାଟନାରେ ଏକ ନିରୀହ ଶିଶୁ ସହ ଦୁଷ୍କର୍ମ ମାମଲାରେ ଦୋଷୀକୁ ଫାଶୀ ଦଣ୍ଡାଦେଶ ଦିଆଯାଇଛି । ଦୋଷୀ ଅରବିନ୍ଦ କୁମାର ସ୍କୁଲ ପ୍ରିନ୍ସିପାଲ ଥିଲା । ଏହି ମାମଲାରେ ଆଉ ଜଣେ ଦୋଷୀ ଶିକ୍ଷକକୁ ଆଜୀବନ କାରାଦଣ୍ଡ ଶୁଣାଇଛନ୍ତି କୋର୍ଟ । ସେହି ସ୍କୁଲରେ ପଢ଼ୁଥିବା ୧୧ ବର୍ଷର ନିରୀହ ଶିଶୁକୁ ପ୍ରିନ୍ସିପାଲ ଦୁଷ୍କର୍ମର ଶିକାର ହୋଇଥିଲା । ସୂଚନାଯୋଗ୍ୟ ଯେ, ଶିଶୁ ଗର୍ଭବତୀ ହେବାପରେ ଘଟଣା ସମ୍ପର୍କ ଖୁଲାସା ହୋଇଥିଲା । ଘଟଣା ୨୦୧୮ ସେପ୍ଟେମ୍ବରର । ପାଟନା ଫୁଲବାରି ସରିଫ ଅଞ୍ଚଳର ଏକ ସ୍କୁଲରେ ପଢ଼ୁଥିବା ଏକ ୧୧ ବର୍ଷର ଶିଶୁ ସହ ସାମୁହିକ ଦୁଷ୍କର୍ମ ମାମଲାରେ ସ୍ଥାନୀୟ ଅଞ୍ଚଳରେ ହଇଚଇ ସୃଷ୍ଟି ହୋଇଥିଲା । ଅଭିଯୁକ୍ତ ସ୍କୁଲ ପ୍ରିନ୍ସିପାଲ ଓ ଶିକ୍ଷକ ଥିଲେ ।
ଶିଶୁର ପେଟରେ ଯନ୍ତ୍ରଣା ହେବାରୁ ତାକୁ ଡାକ୍ତରଙ୍କ ପାଖକୁ ନିଆଯାଇଥିଲା । ମେଡିକାଲ ଯାଞ୍ଚରେ ଜଣାପଡିଥିଲା ଯେ ଶିଶୁ ଗର୍ଭବତୀ ଅଛି । ଏହା ଶୁଣି ଡାକ୍ତର ଓ ଘରଲୋକଙ୍କ ହୋସ ଉଡି ଯାଇଥିଲା । ଏହାପରେ ଘରଲୋକ ଥାନାରେ ଅଭିଯୋଗ କରିଥିଲେ । ପୋଲିସ ଯାଞ୍ଚ କରିବା ପରେ ମାମଲା ସାମ୍ନାକୁ ଆସିଥିଲା । ଶିଶୁ ପଞ୍ଚମ ଶ୍ରେଣୀ ଛାତ୍ରୀ । ପୋଲିସ ସେତେବେଳେ ପତା କରିଥିଲା ଯେ ଚେମ୍ବରରେ ମୁଖ୍ୟ ଅଭିଯୁକ୍ତ ପ୍ରିନ୍ସିପାଲ ଓ ଶିକ୍ଷକ ଶିଶୁ ସହ ଦୁଷ୍କର୍ମ କରିଥିଲେ । ମାମଲାର ଶୁଣାଣି କୋର୍ଟରେ ଚାଲିଥିଲା । ଯାଞ୍ଚ ପରେ ପୋଲିସ ଅନେକ ସୁରାକ ପେଶ କରିଥିଲା । ପ୍ରମାଣ ଆଧାରରେ କୋର୍ଟ ଅଭିଯୁକ୍ତଙ୍କୁ ସଜା ଶୁଣାଇଛନ୍ତି । ଏହି କ୍ରମରେ ୧୫ ତାରିଖ ସୋମବାର ଦିନ ନ୍ୟାୟାଳୟ ଦୁଇ ଅଭିଯୁକ୍ତଙ୍କୁ ସଜା ଶୁଣାଇଛନ୍ତି । ଜଣେ ଦୋଷୀକୁ ଆଜୀବନ କାରାଦଣ୍ଡ ଓ ମୁଖ୍ୟ ଦୋଷୀକୁ ଫାଶୀ ଦଣ୍ଡ ଶୁଣାଇଛନ୍ତି କୋର୍ଟ ।
