ସତ୍ୟଶିଖା ୨୯/୧୨/୨୦୨୦ : ଭିଜିଲାନ୍ସ ଜାଲରେ କଲେଜ ଡେମନଷ୍ଟେଟର୍ । ଗଞ୍ଜାମ ଚିକିଟି କଲେଜର ଡେମନଷ୍ଟେଟର କୈଳାଶ ଚନ୍ଦ୍ର ମହାନ୍ତିଙ୍କ ଘରେ ଭିଜିଲାନ୍ସ ପକ୍ଷରୁ ଚଢାଉ ହୋଇଛି । ଏକା ସାଙ୍ଗେ ୬ଟି ସ୍ଥାନରେ ରେଡ୍ କରାଯାଉଛି । ଖବର ଅନୁଯାୟୀ, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଗଞ୍ଜାମ ଚିକିଟି କଲେଜର ଡେମନଷ୍ଟେଟର କୈଳାଶ ଚନ୍ଦ୍ର ମହାନ୍ତିଙ୍କ ଘରେ ଭିଜିଲାନ୍ସ ପକ୍ଷରୁ ଚଢାଉ ହୋଇଛି । କୈଳାଶଙ୍କ ବାସଭବନ ସମେତ ଏକାସାଙ୍ଗେ ୬ଟି ସ୍ଥାନରେ ଚଢାଉ ଜାରି ରହିଛି । ତେବେ ଭିଜିଲାନ୍ସ ପକ୍ଷରୁ ଚଢାଉ ହେଉଥିବା ସ୍ଥାନଗୁଡ଼ିକେ ହେଉଛି-ବ୍ରହ୍ମପୁର ବାସଭବନ, ଚିକିଟି ବାସଭବନ, ଚିକିଟି କଲେଜ, ଭୁବନେଶ୍ୱର ସମେତ ୬ଟି ସ୍ଥାନରେ ରେଡ୍ ଜାରି ରହିଛି । ଭିଜିଲାନ୍ସ ବିଭାଗର ୬ ଟି ସ୍ଵତନ୍ତ୍ର ଟିମ୍ ଏହି ଚଢାଉ ସାମିଲ ଥିବା ଜଣାପଡିଛି । ଏନେଇ ବ୍ରହ୍ମପୁର ଭିଜିଲାନ୍ସ ଏସ୍ ପି ଅନୀଲ୍ ପାତ୍ରଙ୍କ ପକ୍ଷରୁ ସୂଚନା ମିଳିଛି ।
