ସତ୍ୟଶିଖା (ମୁମ୍ବାଇ) ୨୩/୧୧/୨୦୨୦ : ନଚ ବଲିଏ ୯ରେ ନଜର ଆସିଥିବା ଭାରତୀୟ କୁସ୍ତି ଯୋଦ୍ଧା ବବିତା ଫୋଗାଟଙ୍କ ଜୀବନରେ ଖୁବ୍ ଶୀଘ୍ର ନୂଆ ଅତିଥି ଆସିବାକୁ ଯାଉଛି । ବବିତା ଖୁବ୍ ଶୀଘ୍ର ମା ହେବାକୁ ଯାଉଛନ୍ତି । ଏବିଷୟରେ ସେ ନିଜେ ସୋସିଆଲ୍ ମିଡିଆରେ ସୂଚନା ଦେଇଛନ୍ତି ଏବଂ ସେ ନିଜ ବେବି ବମ୍ପର ଫଟୋ ସେୟାର କରିଛନ୍ତି ।
ବବିତା ଫୋଗାଟ ନିକଟରେ ନିଜ ଇନଷ୍ଟାଗ୍ରାମ୍ ଆକାଉଣ୍ଟରୁ ସ୍ବାମୀ ବିବେକଙ୍କ ସହ ଏକ ସୁନ୍ଦର ଫଟୋ ସେୟାର କରିଛନ୍ତି ଯେଉଁଥିରେ ତାଙ୍କ ବେବି ବମ୍ପ୍ ମଧ୍ୟ ନଜର ଆସୁଛି । ଏହା ସହିତ ବବିତା ଲେଖିଛନ୍ତି ଯେ ତୁମ ପତ୍ନୀ ଭଳି ବିତାଇଥିବା ସବୁ ମୂହୂର୍ତ୍ତ ସହ ମୋତେ ଅନୁଭବ ହେଉଛି ଯେ ଏତେ ସୁନ୍ଦର ଜୀବନ ଜିଇଁଥିବା ଯୋଗୁଁ ସେ କେତେ ଭାଗ୍ୟଶାଳୀ । ତୁମେ ମୋର ସୁନ୍ଦର ସ୍ଥାନ । ତୁମେ ହିଁ ମୋତେ ପୂରା କରିଛ । ମୁଁ ଉତ୍ସାହିତ ଏବଂ ଜୀବନର ଏହି ନୂଆ ଅଧ୍ୟାୟକୁ ଆରମ୍ଭ କରିବାକୁ ଅପେକ୍ଷା କରୁଛି । ଖୁସି ଖବର ମିଳିବା ସହିତ ବବିତା ଫୋଗାଟଙ୍କୁ ଇଣ୍ଡଷ୍ଟ୍ରିର ବନ୍ଧୁ ୟୁବିକା ଚୌଧୁରୀ,ଅନିତା ହଂସନନ୍ଦିନୀ,ଉର୍ବଶୀ ଢ଼ୋଲକିଆ,ସଂଗ୍ରାମ ସିଂହ ଏବଂ ଶୁଭେଚ୍ଛୁଙ୍କ ତରଫରୁ ଅନେକ ଶୁଭ କାମନା ଏବଂ ଶୁଭେଚ୍ଛା ମିଳୁଛି ।
ବବିତା ଫୋଗାଟ ୨୦୧୯ମସିହାରେ ନିଜ ବୟଫ୍ରେଣ୍ଡ ଏବଂ ଭାବିସ୍ବାମୀ ବିବେକଙ୍କ ସହ ନଚ ବଲିଏ ୯ରେ ଭାଗ ନେଇଥିଲେ । ଏହି ଶୋରେ ଉଭୟେ ବେଶୀ ଦିନ ରହିନଥିଲେ । ଏହି ସିଜନରେ ପ୍ରିନ୍ସ ନରୁଲା ଏବଂ ୟୁଭିକା ଚୌଧୁରୀ ଟ୍ରଫି ଜିତିଥିଲେ ଏବଂ ଅନିତା-ରୋହିତ ଶୋର ରନର ଅପ୍ ଥିଲେ । ଶୋ ପରେ ବବିତା ଏବଂ ବିବେକ ୨୦୧୯ ନଭେମ୍ବରରେ ବିବାହ କରିଥିଲେ । ଏବର୍ଷ ବବିତା ବିଜେପି ତରଫରୁ ନିର୍ବାଚନ ଲଢ଼ିଥିଲେ କିନ୍ତୁ ଏଥିରେ ସେ ହାରି ଯାଇଥିଲେ ।
