ସତ୍ୟଶିଖା ୧୨ .୦୯.୨୦୨୦ : ବରିଷ୍ଠ ଆର୍ଯ୍ୟ ସମାଜ ନେତା ସାମାଜିକ କର୍ମୀ ସ୍ଵlମୀ ଅଗ୍ନିବେଶଙ୍କର ପରଲୋକ ହୋଇଯାଇଛି । ତାଙ୍କୁ ୮୦ ବର୍ଷ ହୋଇଥିଲା । ସେ ଦୀର୍ଘଦିନ ଧରି ଯକୃତ ଜନିତ ରୋଗରେ ପୀଡ଼ିତ ଥିଲେ । ଗତ ମଙ୍ଗଳବାରଠାରୁ ସ୍ଵlସ୍ଥ୍ୟାବସ୍ଥା ଅଧିକ ଗୁରୁତର ହୋଇପଡ଼ିବାରୁ ତାଙ୍କୁ ଭେଣ୍ଟିଲେଟରରେ ରଖାଯାଇଥିଲା । ମାତ୍ର ଗତକାଲି ସନ୍ଧ୍ୟାରେ ହୃଦ୍ଘାତ ହୋଇଥିଲା । ଏକାଧିକ ଅଙ୍ଗପ୍ରତ୍ୟଙ୍ଗ ଅଚଳ ହୋଇପଡ଼ିବାରୁ ତାଙ୍କର ପରଲୋକ ହୋଇଛି ବୋଲି ନୂଆଦିଲ୍ଲୀର ‘ଇନ୍ଷ୍ଟିଚ୍ୟୁଟ୍ ଅଫ୍ ଲିଭର ଆଣ୍ଡ ବାଇଲାରି ସାଇନ୍ସ’ ପକ୍ଷରୁ ପ୍ରକାଶ କରାଯାଇଛି ।
“ସରକାରଙ୍କ ପକ୍ଷରୁ ନକ୍ସଲମାନଙ୍କ ସହ କଥାବର୍ତା କରି ଚର୍ଚ୍ଚାକୁ ଆସିଥିଲେ ଆର୍ଯ୍ୟସମାଜ ନେତା ଅଗ୍ନିବେଶ”
ତାଙ୍କ ପାର୍ଥିବ ଶରୀରକୁ ନୂଆଦିଲ୍ଲୀସ୍ଥିତ ୭ ଜନ୍ତର ମନ୍ତର ରୋଡ୍ସ୍ଥିତ ବନ୍ଧୁଆ ମୁକ୍ତିମୋର୍ଚା ଅଫିସ୍ ପରିସରରେ ଆଜି ସକାଳ ୧୧ଟାରୁ ଅପରାହ୍ଣ ୨ଟା ପର୍ଯ୍ୟନ୍ତ ସର୍ବସାଧାରଣଙ୍କ ଦର୍ଶନ ପାଇଁ ରଖାଯିବ । ଏହି ସମୟରେ ସମସ୍ତ ପ୍ରକାର କୋଭିଡ୍ ନିୟମ ମାନି ତାଙ୍କୁ ଶ୍ରଦ୍ଧାଞ୍ଜଳି ଦିଆଯାଇପାରିବ ବୋଲି ବନ୍ଧୁଆ ମୁକ୍ତିମୋର୍ଚାର ପୂର୍ବତନ ସାଧାରଣ ସମ୍ପାଦକ ପ୍ରଫେସର ବିଠଲ୍ ରାଓ ଆର୍ଯ୍ୟ ସୂଚନା ଦେଇଛନ୍ତି । ଅପରାହ୍ଣ ୪ଟାରେ ଗୁରୁଗ୍ରାମର ବହଳପାସ୍ଥିତ ଅଗ୍ନିଲୋକ ଆଶ୍ରମ ପରିସରରେ ତାଙ୍କର ଶେଷକୃତ୍ୟ ସମ୍ପନ୍ନ ହେବ ।
ଅଗ୍ନିବେଶ ଜଣେ ବିପ୍ଳବୀ ଧାର୍ମିକ ନେତା ଥିଲେ । ଧର୍ମ ନାମରେ କୁଂସ୍କାର ଓ ଅନ୍ଧବିଶ୍ୱlସକୁ ସେ ତୀବ୍ର ବିରୋଧ କରୁଥିଲେ । ୧୯୩୯ ମସିହା ସେପ୍ଟେମ୍ବର ୨୧ରେ ଆନ୍ଧ୍ରପ୍ରଦେଶର ଏକ ବ୍ରାହ୍ମଣ ପରିବାରରେ ଜନ୍ମଗ୍ରହଣ କରିଥିଲେ । କୋଲକାତାର ସେଣ୍ଟ ଜାଭିୟର୍ସ କଲେଜରୁ ସେ ଆଇନ୍ ଏବଂ ବାଣିଜ୍ୟରେ ସ୍ନାତକ ଡିଗ୍ରି ହାସଲ କରିଥିଲେ । ଭାରତୀୟ ରାଜନୀତିରେ ମଧ୍ୟ ସେ ସକ୍ରିୟ ଥିଲେ । ୧୯୭୭ରେ ସେ ପ୍ରଥମ ଥର ହରିୟାଣା ବିଧାନସଭାରୁ ବିଧାୟକ ଭାବେ ନିର୍ବାଚିତ ହୋଇ ଶିକ୍ଷାମନ୍ତ୍ରୀ ହୋଇଥିଲେ । କିନ୍ତୁ ମାତ୍ର ୨ ବର୍ଷ କାର୍ଯ୍ୟ କରିବା ପରେ ମନ୍ତ୍ରୀ ପଦରୁ ଇସ୍ତଫା ଦେଇଥିଲେ । ୧୯୭୦ରେ ସେ ‘ଆର୍ଯ୍ୟ ସଭା’ ନାମରେ ଦଳ ଗଠନ କରିଥିଲେ ।
