ନ୍ୟୁଜ୍
ରାଜ୍ୟସଭା ଉପାଧ୍ୟକ୍ଷ ନିର୍ବାଚନ ପୂର୍ବରୁ ବିଜେଡି ସୁପ୍ରିମୋଙ୍କ ସହ ଫୋନ୍ ଯୋଗେ ନୀତିଶ କୁମାର କଥା ହେଲେ l


ସତ୍ୟଶିଖା ( ନୂଆଦିଲ୍ଲୀ ) ୧୦ .୦୯.୨୦୨୦ : ରାଜ୍ୟସଭା ଉପାଧ୍ୟକ୍ଷ ନିର୍ବାଚନ ପୂର୍ବରୁ ବିଜେଡି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସହ ଫୋନ୍ ଯୋଗେ କଥା ହୋଇଛନ୍ତି ବିହାର ମୁଖ୍ୟମନ୍ତ୍ରୀ ନୀତିଶ କୁମାର । ଚଳିତ ବର୍ଷ ଉପାଧ୍ୟକ୍ଷ ନିର୍ବାଚନରେ ଜେଡିୟୁ ପ୍ରାର୍ଥୀ ହରିବଂଶ ନାରାୟଣ ସିଂହଙ୍କ ପ୍ରାର୍ଥିତ୍ୱକୁ ସମର୍ଥନ କରିବା ଲାଗି ନବୀନଙ୍କୁ ଅନୁରୋଧ କରିଛନ୍ତି ନୀତିଶ । ଏହାକୁ ନେଇ କଂଗ୍ରେସ ସାଂସଦ ସପ୍ତଗିରି ଉଲ୍ଲକା ନିଜର ପ୍ରତିକ୍ରିୟା ରଖିଛନ୍ତି ।
ସେ କହିଛନ୍ତି ଯେ, ଆମେ ମଧ୍ୟ ନିଜର ପ୍ରାର୍ଥୀ ଆସନ୍ତାକାଲି ଘୋଷଣା କରିବୁ । ସବୁ ଆଞ୍ଚଳିକ ଦଳକୁ ଯୋଗାଯୋଗ କରିବୁ । ଏହାର ଦାଇତ୍ୱ ଗୁଲାମ ନବୀ ଆଜାଦ ନେଇଛନ୍ତି । ତେବେ ବିଜେଡିକୁ ଏନଡିଏ ଆଗୁଆ ଯୋଗଯୋଗ କରିଥିବାରୁ କଂଗ୍ରେସ ପଛରେ ପଡିଛି । କିନ୍ତୁ ସପ୍ତଗିରି କହିଛନ୍ତି ଆମେ ଆଗୁଆ ଯୋଗାଯୋଗ କରିଥିଲେ ବି ସେ ଆମକୁ ସମର୍ଥନ ଦେଇ ନଥାନ୍ତେ ।