ସତ୍ୟଶିଖା (ନୂଆଦିଲ୍ଲୀ) ୪.୦୯.୨୦୨୦ : ଭାରତରେ ଦ୍ରୁତ ବେଗରେ ବଢିବାରେ ଲାଗିଛି କରୋନାର ପ୍ରଭାବ । କରୋନାର ଦୈନିକ ସଂକ୍ରମଣ ସମସ୍ତଙ୍କୁ ବେଶ ଚକ୍କିତ କରୁଛି । ଦୈନିକ ସଂକ୍ରମଣ କ୍ଷେତ୍ରରେ ସମଗ୍ର ବିଶ୍ୱରେ ଭାରତ ପ୍ରଥମ ସ୍ଥାନ ଅଧିକାର କରିଛି । ଗତ ୨୪ ଘଣ୍ଟାରେ ଭାରତରେ ୮୩,୩୪୧ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଏହି କ୍ରମରେ ଭାରତରେ କରୋନା ଆକ୍ରାନ୍ତଙ୍କ ସଂଖ୍ୟା ୩୯ ଲକ୍ଷ ପାର କରିଛି । ସେହିପରି ଗତ 24 ଘଣ୍ଟା ମଧ୍ୟରେ ୧୦୯୬ ଜଣ ଆକ୍ରାନ୍ତଙ୍କ ମୃତ୍ୟୁ ଘଟିଛି ।
ଏହି ସଂକ୍ରମିତଙ୍କ ମଧ୍ୟରୁ ୮,୩୧,୧୨୪ ଜଣ ସକ୍ରିୟ ସଂକ୍ରମିତ ଥିବାବେଳେ ୬୮,୪୭୨ ଜଣ ଆକ୍ରାନ୍ତଙ୍କ ମୃତ୍ୟୁ ଘଟିଛି । ତେବେ ଏହାରି ମଧ୍ୟରେ ୩୦,୩୭,୧୫୧ ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି ।
