ନ୍ୟୁଜ୍

ରାସ୍ତାରେ ଧାନ ଗଛ ପୋତି ପ୍ରତିବାଦ ଜଣାଇଲେ ଗ୍ରାମବାସୀ l

ସତ୍ୟଶିଖା ( ଢ଼େଙ୍କାନାଳ ) ୧୪.୦୮.୨୦୨୦ : ରାସ୍ତାରେ ଧାନ ଗଛ ପୋତି ପ୍ରତିବାଦ ଜଣାଇଲେ ଗ୍ରାମବାସୀ । ଢେଙ୍କାନାଳ ଜିଲ୍ଲା ପର୍ଜଙ୍ଗ ବ୍ଲକ ଅନ୍ତର୍ଗତ କନ୍ଦରସିଂହା ପଞ୍ଚାୟତ ୬ ନମ୍ବର ୱାର୍ଡରେ ବାର ଘରିଆ ସାହିରେ ଦେଖିବାକୁ ମିଳିଛି ଏହିପରି ଏକ ଅନୁରୂପ ପ୍ରତିବାଦ । ଗ୍ରାମବାସୀଙ୍କ ଅଭିଯୋଗ ମୁତାବକ ସାହିକୁ ଯିବା ଆସିବା ପାଇଁ ପିଡବ୍ଲୁଡି ରାସ୍ତାଠାରୁ ସାହିକୁ ଥିବା ଏକ ମାତ୍ର ମାଟି ରାସ୍ତା ଶୋଚନୀୟ ଅବସ୍ଥାରେ ଦିର୍ଘ ଦିନ ଧରି ପଡିରହିଛି । ଯେଉଥିପାଇଁ ପାଇଁ ଗ୍ରାମବାସୀଙ୍କୁ ବର୍ଷା ଦିନେ ନାହିଁ ନଥିବା ଅସୁବିଧାର ସମ୍ମୁଖୀନ ହେବାକୁ ପଡୁଛି । ଏମିତି କି ଆମ୍ବୁଲାନ୍ସ ଟିଏ ସାହି ଭିତରକୁ ଯାଇ ପାରୁନାହିଁ ।

ତେଣୁ ଏନେଇ ସେମାନେ ଏକ ସ୍ଥାୟୀ କଙ୍କ୍ରିଟ ରାସ୍ତା ନିର୍ମାଣ ପାଇଁ ବାରମ୍ବାର ବ୍ଲକ ଉନ୍ନୟନ ଅଧିକାରୀଙ୍କଠାରୁ ଆରମ୍ଭ କରି ଜିଲ୍ଲାପାଳଙ୍କ ଅଭିଯୋଗ ଶୁଣାଣିରେ ଅଭିଯୋଗ କରିଥିଲେ । ତଥାପି  କିଛି ସୁଫଳ ପାଇପାରୁନାହାନ୍ତି । ଯେଉଥିପାଇଁ ବାଧ୍ୟ ହୋଇ ଆଜି ଏହି ପରି ଏକ ଅନୁରୂପ ଭାବେ କାଦୁଅ ପଚ ପଚ ରାସ୍ତାରେ ଗ୍ରାମବାସୀ ଧାନ ଗଛ ପୋତି ଜିଲ୍ଲାପ୍ରଶାସନଙ୍କୁ ପ୍ରତିବାଦ ଜଣାଇଛନ୍ତି ।

Show More
Back to top button