ସତ୍ୟଶିଖା (ଭୁବନେଶ୍ୱର) ୨୧.୧୨.୨୦୨୦ : ଟିଭି ରିଚାର୍ଜ କରିବା ନେଇ ଜଣେ ଯୁବକ ଠକାମିର ଶିକାର ହୋଇଛନ୍ତି । ଏକ ଫେକ୍ କଷ୍ଟମର୍ କେୟାର କଲ୍ ପାଇଁ ପଟିଆ ଅଞ୍ଚଳର ଜଣେ ବ୍ୟକ୍ତିଙ୍କ ବ୍ୟାଙ୍କ ଆକାଉଣ୍ଟରୁ ୯୯ ହଜାର ଟଙ୍କା ଲୁଟ୍ ହୋଇଛି । ଠକାମିର ଶିକାର ହୋଇଥିବା ଯୁବକ ବି.ସି ରାଉତ ଆଜି ରାତିରେ ଚନ୍ଦ୍ରଶେଖରପୁର ଥାନାରେ ଅଭିଯୋଗ କରିଛନ୍ତି । ପୁଲିସ ଏକ ସାଇବର୍ ଅପରାଧ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ସୂଚନା ଅନୁଯାୟୀ, ଟିଭି ରିଚାର୍ଜ ଅନ୍ଲାଇନ୍ରେ କେମିତି ହେବ, ସେନେଇ ୱେବ୍ସାଇଟ୍ ସର୍ଚ୍ଚ କରିଥିଲେ । ପରେ ସେ ମୋବାଇଲରେ ଏକ ଆପ୍ ଡାଉନ୍ଲୋଡ୍ କରି ୨୨୦ ଟଙ୍କାର ରିଚାର୍ଜ କରିଥଲେ । କିନ୍ତୁ ରିଚାର୍ଜ ଫେଲ୍ ହେବା ସହିତ ଆକାଉଣ୍ଟରୁ ଟଙ୍କା କଟି ଯାଇଥିଲା । ଏନେଇ ସେ କଷ୍ଟମର୍ କେୟାର ସହ ଯୋଗାଯୋଗ କରିଥିଲେ । କଷ୍ଟମର କେୟାର ବ୍ୟକ୍ତି ତାଙ୍କ ଆକାଉଣ୍ଟ ବିଷୟରେ ପଚରାଉଚରା କରିବା ପରେ କିଛି ସମୟ ମଧ୍ୟରେ ତାଙ୍କ ଆକାଉଣ୍ଟରେ ଥିବା ୯୯ ହଜାର ଟଙ୍କା ଉଠାଣ ହୋଇଯାଇଥିଲା ।
