ସତ୍ୟଶିଖା( ଭୁବନେଶ୍ୱର )୧୦.୧୦.୨୦୨୨: ବୈଶ୍ୱିକ ମାନ୍ଦାବସ୍ଥା ସ୍ଥିତି ଏବେବି ଜାରି ରହିଛି । ଗୋଟିଏ ପଟେ ଯେଉଁଠାରେ ବଡ଼-ବଡ଼ କମ୍ପାନୀ ମାନେ କର୍ମଚାରୀଙ୍କ ଛଟେଇ କରୁଥିବାବେଳେ ଅନ୍ୟପଟେ ଆଇଏମଏଫ ମଧ୍ୟ ବିଶ୍ୱକୁ ଏହି ବିପଦକୁ ନେଇ ସତର୍କ କରାଇଛି । ଏବେ ଏକ ତାଜା ସର୍ଭେର ଫଳାଫଳ ଅନୂଯାୟୀ ମାନ୍ଦାବସ୍ଥା ଗଭୀର ହେବା ନେଇ ଆଶଙ୍କା କରାଯାଉଛି । କେପିଏମଜି ୨୦୨୨ ସିଇଓ ଆଉଟଲୁକ୍ ର ରିପୋର୍ଟରେ ଆଶ୍ଚର୍ଯ୍ୟକର ତଥ୍ୟ ସାମ୍ନାକୁ ଆସିଛି ।
କେପିଏମଜି ୨୦୨୨ ସିଇଓ ଆଉଟଲୁକ ଅନୂଯାୟୀ, ବୈଶ୍ୱିକ ମାନ୍ଦାବସ୍ଥା ଆଶଙ୍କା ମଧ୍ୟରେ ଚାକିରି ଉପରେ ବଡ଼ ବିପଦ ଭଳି ରହିଛି । ଏହି ସର୍ଭେରେ କେପିଏମଜି ଦୁନିଆର ଭିନ୍ନ-ଭିନ୍ନ ଦେଶର ବଡ଼-ବଡ଼ କମ୍ପାନୀ ସିଇଓଙ୍କ ରାୟକୁ ସାମିଲ କରାଯାଇଥିଲା । ସର୍ଭେରେ ସାମିଲ ୮୬ ପ୍ରତିଶତ ସିଇଓ କହିଛନ୍ତି ଯେ ଆସନ୍ତା ୧୨ ମାସରେ ମାନ୍ଦାର ସାମ୍ନା କରିବାକୁ ପଡ଼ିପାରେ । ଯେତେବେଳେକି ୫୮ ପ୍ରତିଶତଙ୍କ ଅନୁସାରେ ଏହା ଅଳ୍ପ ସମୟ ପାଇଁ ରହିବ ।
ସୂଚନାଯୋଗ୍ୟ, ଗତ କିଛି ମାସରେ ଦୁନିଆରେ ମାନ୍ଦା ଆଶଙ୍କା ବଢ଼ିଛି । କାରଣ ଅନେକ ଦେଶର କେନ୍ଦ୍ରୀୟ ବ୍ୟାଙ୍କ ପୂର୍ବରୁ ହିଁ କରୋନା ମହାମାରୀ ଏବଂ ପରେ ଋଷ-ୟୁକ୍ରେନ ମଧ୍ୟ ଆରମ୍ଭ ହୋଇଥିବା ଯୁଦ୍ଧ ମଧ୍ୟରେ ଚରମରେ ପହଞ୍ଚିଛି । ଦରବୃଦ୍ଧିକୁ କାବୁ କରିବା ପାଇଁ ଲଗାତାର ସୁଧ ଦରରେ ବୃଦ୍ଧି କରୁଛନ୍ତି ।
