ନ୍ୟୁଜ୍ରାଜନୀତିରାଜ୍ୟ

ଆଜି ଶେଷ ପର୍ଯ୍ୟାୟ ପଞ୍ଚାୟତ ନିର୍ବାଚନ

ସତ୍ୟଶିଖା( ଭୁବନେଶ୍ୱର )୨୪.୦୨.୨୦୨୨ : ତ୍ରିସ୍ତରୀୟ ପଞ୍ଚାୟତ ନିର୍ବାଚନର ଅନ୍ତିମ ପର୍ଯ୍ୟାୟ ମତଦାନ ଆଜି (ଗୁରୁବାର । କଡ଼ା ସୁରକ୍ଷା ବଳୟ ମଧ୍ୟରେ ୨୫ ଜିଲାର ୪୮ ବ୍ଲକ, ୯୭୫ ଗ୍ରାମ ପଞ୍ଚାୟତ, ୧୩୧ ଜିଲା ପରିଷଦ ଜୋନର ୧୩ ହଜାର ୫୧୪ ବୁଥରେ ଭୋଟ ଗ୍ରହଣ କରାଯିବ। ଏହି ପର୍ଯ୍ୟାୟରେ ୫୨୦ ଜିଲା ପରିଷଦ ପ୍ରାର୍ଥୀ ପ୍ରତିଦ୍ବନ୍ଦ୍ବିତା କରୁଥିବା ବେଳେ ୪୧ ଲକ୍ଷ ୮୮ ହଜାର ୩୮୨ ଭୋଟର ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରିବେ। ସରପଞ୍ଚ, ସମିତି ସଭ୍ୟ ଏବଂ ୱାର୍ଡ ମେମ୍ବର ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ ହେବ। ଏନେଇ ରାଜ୍ୟ ନିର୍ବାଚନ ଆୟୋଗଙ୍କ ପକ୍ଷରୁ ସୂଚନା ଦିଆଯାଇଛି। ପ୍ରଥମ, ଦ୍ବିତୀୟ ଏବଂ ତୃତୀୟ ପର୍ଯ୍ୟାୟରେ ମତଦାନ ଗ୍ରହଣ ସମୟରେ ବୁଥକୁ କବ୍ଜା କରିବା, ସାମ୍ବାଦିକ ଓ ସରକାରୀ କର୍ମଚାରୀଙ୍କୁ ଦୃର୍ବୃତ୍ତମାନେ ମାଡ଼ ମାରିବା ଘଟଣା ଦେଖିବାକୁ ମିଳିଥିଲା। ଶେଷ ପର୍ଯ୍ୟାୟରେ ଏହାର ପୁନରାବୃତ୍ତି ଯେପରି ନ ହୁଏ ସେଥିପ୍ରତି ନିର୍ବାଚନ ଆୟୁକ୍ତଙ୍କ ପକ୍ଷରୁ ଗୁରୁତ୍ବ ଦିଆଯାଇଛି। ଗତକାଲି ପୂର୍ବାହ୍ନରୁ ପୋଲିଂ ଅଧିକାରୀମାନେ ଭୋଟ ବାକ୍ସ ଧରି ବୁଥ ଅଭିମୁଖେ ଯାଇଛନ୍ତି।

ଆଜି ସକାଳ ୭ଟାରୁ ଭୋଟ ଗ୍ରହଣ ଆରମ୍ଭ ହୋଇ ଅପରାହ୍ଣ ୧ଟା ପର୍ଯ୍ୟନ୍ତ ଚାଲିବ। ଦୀର୍ଘ ୧୫ ବର୍ଷ ପରେ ଭୋଟ ଦେଇ ମନ ପସନ୍ଦର ପ୍ରାର୍ଥୀ ବାଛିବେ ମାଲକାନଗିରି ଜିଲାର ସ୍ୱାଭିମାନ ଅଞ୍ଚଳର ଯନ୍ତ୍ରୀ ପଞ୍ଚାୟତବାସୀ। ପୂର୍ବରୁ ଲାଲବାହିନୀ ଭୟରେ ଲୋକମାନେ ଭୋଟ ଦେଉ ନ ଥିବାବେଳେ ଚଳିତ ବର୍ଷ କଡ଼ା ସୁରକ୍ଷା ବ୍ୟବସ୍ଥା ମଧ୍ୟରେ ଏଠାରେ ନିର୍ବାଚନ ଅନୁଷ୍ଠିତ ହେବ। ଯନ୍ତ୍ରୀ ପଞ୍ଚାୟତର ତୋଟାଗୁଡାଠାରେ ୧୧ଟି ବୁଥ୍ କରାଯାଇଛି। ତମ୍ବୁ ପକାଇ ଏଠାରେ ଅସ୍ଥାୟୀ ବୁଥ୍ ତିଆରି ହୋଇଛି। ୧୫ ବର୍ଷ ପରେ ଲୋକେ ଭୋଟ ଦେବାକୁ ଯାଉଥିବାରୁ ବେଶ ଉତ୍ସାହିତ ଅଛନ୍ତି।

Show More
Back to top button