ସତ୍ୟଶିଖା : ମଧ୍ୟପ୍ରଦେଶର ଗଭର୍ଣ୍ଣର ଲାଲଜୀ ଟଣ୍ଡନଙ୍କ ଦେହାନ୍ତ ହୋଇଯାଇଛି । ୮୫ବର୍ଷୀୟ ଲାଲଜୀ ଟଣ୍ଡନ ଦୀର୍ଘଦିନ ହେବ ବହୁ ରୋଗରେ ପୀଡିତ ଥିଲେ । ଯାହାଫଳରେ ତାଙ୍କ ଚିକିତ୍ସା ଲକ୍ଷ୍ନୌର ଏକ ମେଡିକାଲରେ ଚାଲୁ ରହିଥିଲା । ତେବେ ଆଜି ସକାଳ ସମୟରେ ତାଙ୍କର ଦେହାନ୍ତ ହାଇଯାଇଛି । ଲାଲଜୀ ଟଣ୍ଡନଙ୍କ ଦେହାନ୍ତ ନେଇ ତାଙ୍କ ପୁତ୍ର ଆଶୁତୋଷ ଟଣ୍ଡନ ସୂଚନା ଦେଇଛନ୍ତି । ସେ ଟ୍ୱିଟ ଜରିଆରେ ତାଙ୍କ ପିତାଙ୍କ ମୃତ୍ୟୁ ନେଇ ସୂଚନା ଦେଇଛନ୍ତି ।ଲାଲଜୀ ଟଣ୍ଡନ ଲକ୍ଷ୍ନୌର ସାଂସଦ ଭାବେ ମଧ୍ୟ ନିର୍ବାଚିତ ହୋଇଥିଲେ । କିନ୍ତୁ ତାଙ୍କ ଦେହ ଖରାପ ହେବା ପରଠାରୁ , ଲକ୍ଷ୍ନୌର ଏକ ମେଡିକାଲରେ ଚିକିତ୍ସା ଜାରି ରହିଥିଲା । ମଧ୍ୟପ୍ରଦେଶର ମୁଖ୍ୟମନ୍ତ୍ରୀ ଶିବରାଜ ସିଂହ ମଧ୍ୟ ମଝିରେ ମଝିରେ ସ୍ୱାସ୍ଥ୍ୟବସ୍ଥା କଥା ବୁଝନ୍ତି , ଏବଂ ମେଡିକାଲକୁ ମଧ୍ୟ ଆସିଥାନ୍ତି । ଲକ୍ଷ୍ନୌ ମେଡିକାଲରେ ତାଙ୍କର ଚିକିତ୍ସା ଜାରି ରହିଥିଲା । କିଛି ଦିନ ହେଲା ତାଙ୍କ ସ୍ୱାସ୍ଥ୍ୟବସ୍ଥାରେ ଉନ୍ନତି ଆସୁଥିବାର ଦେଖିବାକୁ ମିଳିଥିଲା । କିନ୍ତୁ ଗତ ରାତିରେ ତାଙ୍କ ସ୍ୱାସ୍ଥ୍ୟବସ୍ଥା ପୁଣି ବିଗିଡାବାରୁ , ତାଙ୍କୁ ଭେଣ୍ଟିଲେଟରରେ ରଖାଯାଇଥିଲା । ତାଙ୍କୁ ପୁରା ଲାଇଫ ସପୋର୍ଟ ସିଷ୍ଟମରେ ରଖାଯାଇଥିଲା । କିଛି ଘଣ୍ଟା ପରେ ଲାଲଜୀ ଟଣ୍ଡନଙ୍କ ଦେହାନ୍ତ ହୋଇଯାଇଛି । ଆଶୁତୋଷ ଟ୍ୱିଟ କରି ଲେଖିଛନ୍ତି ଯେ, ‘ବାବୁଜୀ ନେହି ରହେ’ । ମଧ୍ୟପ୍ରଦେଶର ରାଜ୍ୟପାଳ ଲାଲଜୀ ଟଣ୍ଡନ ୧୧ଜୁନ୍କୁ ନିଶ୍ୱାସ ପ୍ରଶ୍ୱାସ ନେବାରୁ ଅସୁବିଧା ହୋଇଥିଲା । ଥଣ୍ଡା ଜ୍ୱର, ପରିସ୍ରା କରିବାରେ ଅସୁବିଧା ହେଉଥିଲା । ଯାହାକୁ ଦୃଷ୍ଟିରେ ରଖି ତାଙ୍କୁ ଲକ୍ଷ୍ନୌ ସ୍ଥିତ ମେଦାନ୍ତ ହସ୍ପିଟାଲରେ ଭର୍ତ୍ତି କରାଯାଇଥିଲା । ଲାଲଜୀ ଟଣ୍ଡନଙ୍କ ସ୍ୱାସ୍ଥ୍ୟ ଦିନକୁ ଦିନ ବିଗିଡିବାରେ ଲାଗିଥିଲା । ଏଥିପାଇଁ ଉତ୍ତରପ୍ରଦେଶର ରାଜ୍ୟପାଳ ଆନନ୍ଦୀବେନ ପଟେଲଙ୍କୁ ମଧ୍ୟପ୍ରଦେଶର ଅତିରିକ୍ତ କାର୍ଯ୍ୟଭାର ଦିଆଯାଇଥିଲା । ତେବେ ଲାଲଜୀ ଟଣ୍ଡନଙ୍କ ୧୩ଜୁନ୍ରେ ଏକ ଅପରେସନ କରାଯାଇଥିଲା । ସ୍ୱାସ୍ଥ୍ୟ ବିଗିଡିବାରୁ ତାଙ୍କୁ ଭେଣ୍ଟିଲେଟରରେ ରଖିଯାଇଥିଲା । ହସ୍ପିଟାଲର ଡାକ୍ତରଙ୍କ ଅନୁଯାୟୀ ଲାଲଜୀ ଟଣ୍ଡନ କିଡନୀରେ ଅସୁବିଧା ରହିଥିଲା । ଯାହାଦ୍ୱାରା କି ତାଙ୍କ ଡାଇଲେସିସ୍ ମଧ୍ୟ କରାଯାଇଥିଲା ।ତେବେ ଆଜି ସକାଳ ସମୟରେ ତାଙ୍କର ଦେହାନ୍ତ ହାଇଯାଇଛି ।
