ସତ୍ୟଶିଖା(ନୂଆଦିଲ୍ଲୀ) ୦ ୯.୦୭.୨୦୨୧: ଦେଶରେ ଖସୁଛି ସଂକ୍ରମଣ । ଦିନକରେ 43 ହଜାର 393 ନୂଆ ଆକ୍ରାନ୍ତ ଚିହ୍ନଟ ହୋଇଥିବା ବେଳେ 911 ଜଣଙ୍କ ଜୀବନ ନେଇଛି କିଲର ଭାଇରସ । ଏହାସହ 44 ହଜାର 459 ସୁସ୍ଥ ହୋଇ ଘରକୁ ଫେରିଛନ୍ତି । ଏନେଇ କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ସୂଚନା ମିଳିଛି । ତେବେ, ନୂଆ ସଂକ୍ରମିତଙ୍କୁ ମିଶାଇ ମୋଟ ଆକ୍ରାନ୍ତଙ୍କ ସଂଖ୍ୟା 3 କୋଟି 7 ଲକ୍ଷ 52 ହଜାର 950କୁ ବୃଦ୍ଧି ହୋଇଛି । ଏହାସହ ମୃତ୍ୟୁ ସଂଖ୍ୟା 4 ଲକ୍ଷ 5 ହଜାର 939 ଛୁଇଁଛି । 2 କୋଟି 98 ଲକ୍ଷ 88 ହଜାର 284 ଆରୋଗ୍ୟ ହୋଇଥିବା ବେଳେ 36 କୋଟି 89 ଲକ୍ଷ 91 ହଜାର 222 ଟୀକାକରଣ କରାଯାଇଛି । ଏହାସହ 4ଲକ୍ଷ 58 ହଜାର 727 ସକ୍ରିୟ ମାମଲା ରହିଛି ।
