ସତ୍ୟଶିଖା ୨୭/୦୧/୨୦୨୧ : ଆତଙ୍କବାଦୀଙ୍କ ଗ୍ରେନେଡ ଆକ୍ରମଣରେ ୪ଯବାନ ଆହତ । ବୁଧବାର ଜମ୍ମୁ-କଶ୍ମୀରର ଅନନ୍ତନାଗ ଜିଲ୍ଲାରେ ଆତଙ୍କବାଦୀମାନେ ହଠାତ ଗ୍ରେନେଡ ଆକ୍ରମଣ କରିବାରୁ ଏହାର ଶିକାର ହୋଇଥିଲେ ୪ଜଣ ଯବାନ । ଆହତ ଯବାନମାନଙ୍କୁ ପ୍ରଥମେ ପ୍ରାଥମିକ ଚିକିତ୍ସା ଯୋଗାଇ ଦିଆଯାଇଥିଲା ଏବଂ ପରେ ଚିକିତ୍ସା ପାଇଁ ଶ୍ରୀନଗରର ୯୨ବେସ ହସ୍ପିଟାଲକୁ ସ୍ଥାନାନ୍ତର କରାଯାଇଥିଲା । କିଛି ଦିନ ତଳେ ଅନ୍ତର୍ଜାତୀୟ ସୀମା ନିକଟରେ ଏକ ଭୂତଳ ସୁଡ଼ଙ୍ଗ ଠାବ କରିଥିଲା ବିଏସଏଫ୍ । ଭାରତକୁ ଆତଙ୍କବାଦୀ ଅନୁପ୍ରବେଶ କରାଇବା ପାଇଁ ପାକିସ୍ତାନୀ ସେନା ଓ ଗୁଇନ୍ଦା ସଂସ୍ଥା ଏହି ସୁଡ଼ଙ୍ଗ ବ୍ୟବହାର କରୁଥିବା ଜଣାପଡ଼ିଥିଲା । ୧୦ ଦିନ ମଧ୍ୟରେ ସେଠାରେ ଦ୍ବିତୀୟ ସୁଡ଼ଙ୍ଗ ଠାବ ହୋଇଥିଲା ।
ଆତଙ୍କବାଦୀଙ୍କ ଗ୍ରେନେଡ ଆକ୍ରମଣରେ ୪ଯବାନ ଆହତ
