ସତ୍ୟଶିଖା (କଟକ)୧୪.୦୧.୨୦୨୨: ମାଇକ୍ରୋ କଣ୍ଟେନମେଣ୍ଟ ହେଲା କଟକର ତିନୋଟି କୋର୍ଟ । ସିଭିଲ କୋର୍ଟ ବାର ଆସୋସିଏସନ, ଜିଲ୍ଲା ଦୌରା ଜଜ କୋର୍ଟ ଏବଂ କଟକ ଏସଡିଜିଏମ କୋର୍ଟକୁ କଣ୍ଟେନମେଣ୍ଟ ଜୋନ ଘୋଷଣା କଲା ସିଏମସି ।
ତେବେ କେବଳ ସିଭିଲ କୋର୍ଟ କମ୍ପଲେକ୍ସରୁ ଏକା ଥରକେ ୩୯ ଜଣ ପଜିଟିଭ ଚିହ୍ନଟ ହେଲା ପରେ ଆଜି ପଦକ୍ଷେପ ଗ୍ରହଣ କରିଛି କଟକ ମହାନଗର ନିଗମ । ତେବେ ସଂକ୍ରମିତଙ୍କ ସଂସ୍ପର୍ଷରେ ଆସିଥିବା ବ୍ୟକ୍ତିମାନଙ୍କ କଣ୍ଟାକ୍ଟ ଟ୍ରେସିଂ ଜାରି ରହିଛି । ଏହାସହ ଜରୁରୀକାଳୀନ ସେବା ପାଇଁ ସିଏମସି ପକ୍ଷରୁ ଗଠନ ହୋଇଛି ଟିମ୍ । ତେବେ ଦିନକୁ ଦିନ କଟକରେ ପଜିଟିଭ ରେଟ୍ ବଢିଥିବାରୁ ବଢି ଚାଲିଛି ମାଇକ୍ରୋ କଣ୍ଟେନମେଣ୍ଟ ସଂଖ୍ୟା ।
