ସତ୍ୟଶିଖା ( କାଶ୍ମୀର ) ୧୭ .୦୮.୨୦୨୦ : କାଶ୍ମୀରରେ ପୁଣି ଥରେ ଆତଙ୍କବାଦୀଙ୍କ ହୀନ ପ୍ରୟାସ । ବାରାମୁଳାର କ୍ରେରୀ କ୍ଷେତ୍ରରେ ସିଆରପିଏଫ ଏବଂ ପୁଲିସର ନାକା ପାର୍ଟି ଉପରେ ଆତଙ୍କୀମାନେ ଅତର୍କିତ ଗୁଳି ଚାଳନା କରିଛନ୍ତି । ଆତଙ୍କବାଦୀଙ୍କ ଉପରେ ହୋଇଥିବା ଫାଇରିଂରେ ଜାମ୍ମୁ କାଶ୍ମୀର ପୁଲିସର ଜଣେ ଏସପିଓ ଏବଂ ସିଆରପିଏଫର 2 ଜଣ ଯବାନ ଶହୀଦ ହୋଇଛନ୍ତି । ଏହି ଘଟଣା ପରେ ସଂପୃକ୍ତ ଅଞ୍ଚଳକୁ ଘେରାବନ୍ଦୀ କରି ଆତଙ୍କୀମାନଙ୍କୁ ତଲାଶି କରାଯାଉଛି ।
ଆଇଜି କାଶ୍ମୀର ଜୋନ କହିଛନ୍ତି ଯେ, ଆତଙ୍କବାଦୀମାନେ କ୍ରେରୀ କ୍ଷେତ୍ରରେ ପୁଲିସ ଏବଂ ସିଆରପିଏଫର ଜଏଣ୍ଟ ଟିମ୍ ଉପରେ ଫାଇରିଂ କରିଛନ୍ତି । ଏହି ଆକ୍ରମଣରେ ଜାମ୍ମୁ କାଶ୍ମୀର ପୋଲିସର ଏକ ଏସପିଓ ଏବଂ ସିଆରପିଏଫର 2 ଜଣ ଯବାନ ଶହୀଦ ହୋଇଛନ୍ତି । ଏହା ପୂର୍ବରୁ ରବିବାର ରାତ୍ରୀରେ ଦକ୍ଷିଣ କାଶ୍ମୀର ପୁଲୱାମା ଜିଲ୍ଲାରେ ସୁରକ୍ଷାବାହିନୀ ଆତଙ୍କବାଦୀଙ୍କ ଯୋଜନାକୁ ପଣ୍ଡ କରି ଆଇଇଡି ଜବତ କରିଥିଲେ । ଏହି ସବୁ ଆଇଇଡି ସୁରକ୍ଷାବାହିନୀର କାରକେଡକୁ ଟାର୍ଗେଟ କରିବାକୁ ବ୍ୟବହାର କରାଯାଇଥାନ୍ତା ବୋଲି ଆଶଙ୍କା କରାଯାଉଛି ।
