ସତ୍ୟଶିଖା(ଚାନ୍ଦବାଲି) ୨୧ .୦୫.୨୦୨୧: ରାଜ୍ୟରେ ଲଗାତର ଭାବେ କରୋନା ଆକ୍ରାନ୍ତଙ୍କ ସଂଖ୍ୟା ବଢିଚାଲିଛି । ଭଦ୍ରକ ଜିଲ୍ଲାରେ ମଧ୍ୟ ଦୈନିକ ଆକ୍ରାନ୍ତଙ୍କ ସଂଖ୍ୟା ହ୍ରାସ ପାଉନାହିଁ । ଜିଲ୍ଲାର ତିହିଡ଼ି ବ୍ଳକ ହଳଧରବିଂଧା ଗାଁରେ ୨୨ଜଣ କରୋନା ପଜିଟିଭ୍ ଚିହ୍ନଟ ହେବାପରେ ସପ୍ତାହେ ପାଇଁ ଏହି ଅଞ୍ଚଳକୁ ସିଲ୍ କରାଯାଇଛି ।
ସୂଚନାନୁସାରେ, ହଳବିଧରବଂଧା ଗ୍ରାମରେ ୨୨ଜଣ ପଜିଟିଭ୍ ଚିହ୍ନଟ ହୋଇଥିଲେ । ଏତେ ସଂଖ୍ୟକ ପଜିଟିଭ୍ ଚିହ୍ନଟ ହେବା ପରେ ଗୋଷ୍ଠୀ ସଂକ୍ରମଣର ଭୟ ରହିଛି । ତେଣୁ ସଂକ୍ରମଣ ଚେନ୍ ଭାଙ୍ଗିବା ସହ ଗତିରେ ରୋକ୍ ଲଗାଇବା ପାଇଁ ସରପଞ୍ଚ ମିନତି ଦାସ ଏହି ଗାଁକୁ କଣ୍ଟେନମେଣ୍ଟ ଜୋନ ଘୋଷଣା କରିଛନ୍ତି ।ଏହାସହ ସାହିତ ପ୍ରବେଶ ପଥରେ ବାଡ଼ ବସାଇ ସିଲ୍ କରିଛନ୍ତି ।ଗ୍ରାମ ଭିତରକୁ କେହି ପ୍ରବେଶ କରିପାରିବେ ନାହିଁ କିମ୍ବା ଗ୍ରାମରୁ କେହି ବାହାରକୁ ଯାଇପାରାବେ ନାହିଁ ବୋଲି ସରପଞ୍ଚ ନିର୍ଦ୍ଦେଶ ଦେଇଛନ୍ତି ।
