ସତ୍ୟଶିଖା (ପୁରୀ) ୦୭/୦୧/୨୦୨୧ : ପୁରୀରୁ ପୁଣି ବ୍ରାଉନ୍ସୁଗାର ଜବତ । ପ୍ରାୟ ୨୦୦ଗ୍ରାମର ବ୍ରାଉନ୍ସୁଗାର ଜବତ କରାଯାଇଛି । ବ୍ରାଉନ୍ସୁଗାର ସହ ୨ଜଣଙ୍କୁ ଗିରଫ କରିଛି ପୁରୀ ଅବକାରୀ ବିଭାଗ । ଗିରଫ ୨ଜଣଙ୍କ ନାମ ଶିବ ପ୍ରସାଦ ବେହେରା ଏବଂ ରଘୁନାଥ ଦାସ ବୋଲି ଜଣାପଡିଛି । ସେମାନଙ୍କୁ ପଚରାଉଚରା ଜାରି ରହିଛି ।
ଖବର ଅନୁଯାୟୀ, ଅବକାରୀ ବିଭାଗରକୁ ମିଳିଥିବା ଗୁଇନ୍ଦା ସୂଚନା ଆଧାରରେ ପୁରୁଷୋତ୍ତମ ଏକ୍ସପ୍ରେସ ଚଢାଉ କରିଥିଲା । ପୁରୀ ସିଦ୍ଧ ମହାବୀର ରେଳଫାଟକ ଠାରେ ୨ଜଣଙ୍କ ଠାରୁ ପ୍ରାୟ ୨୦୦ଗ୍ରାମ ବ୍ରାଉନ୍ସୁଗାର ଜବତ କରିଥିଲା । ପୁରୁଷୋତ୍ତମ ଏକ୍ସପ୍ରେସ ରେ ବାଲେଶ୍ଵରରୁ ବ୍ରାଉନସୁଗାର ଚାଲାଣ କରାଯାଉଥିଲା । ବ୍ରାଉନ୍ସୁଗାର ନେଇ ଯାଉଥିବା ବେଳେ ୨ଜଣଙ୍କୁ ଗିରଫ କରାଯାଇଛି । ୨ଜଣଙ୍କୁ ଠାରୁ ଅଧିକ ତଥ୍ୟ ଯୋଗାଡ଼ ପାଇଁ ସେମାନଙ୍କୁ ଅଧିକ ପଚରାଉଚରା ଜାରି ରହିଛି । କିପରି ଓ କେମିତି ଏତେ ପରିମାଣର ବ୍ରାଉନ୍ସୁଗାର କାରବାର ଚାଲିଥିଲା । ସେନେଇ ଛାନ୍ଭିନ୍ ଆରମ୍ଭ ହୋଇଛି ।
