ସତ୍ୟଶିକ୍ଷା (ମୁମ୍ବାଇ) ୨୫ .୦୯.୨୦୨୦ : ବଲିଉଡ ଅଭିନେତ୍ରୀ କଙ୍ଗନା ରଣାଓ୍ବତ କିଛି ମାସ ହେବ ବଳିଉଡ ବିରୋଧରେ କ୍ରମାଗତ ନିଜ ମତ ରଖି ଆସୁଛନ୍ତି । କେବଳ ଏତିକି ନୁହେଁ ବଲିଉଡ୍ ଡ୍ରଗ୍ସ କନେକସନରେ ବାବଦରେ ମଧ୍ୟ ସେ ବଡ଼ ବଡ଼ କଳାକାରଙ୍କୁ ଟାର୍ଗେଟ କରୁଛନ୍ତି । ଏହା ସହ ବଲିଉଡରେ ୯୯ ପ୍ରତିଶତ ଡ୍ରଗ୍ସ ବ୍ୟବହାର ହେଉଥିବା ସେ ଦାବି କରିଛନ୍ତି । ଏହାର ପ୍ରତିବଦଳରେ କଙ୍ଗନାଙ୍କୁ ମଧ୍ୟ ଅନେକ ବହୁତ କିଛି ଶୁଣାଉଛନ୍ତି । ଏବେ କଙ୍ଗନା ରଣାୱତଙ୍କୁ ଟାର୍ଗେଟ କରିଛନ୍ତି କଣ୍ଠଶିଳ୍ପୀ ସୋନା ମହାପାତ୍ର । ଏହା ସହ ସୋନା ତାଙ୍କୁ ରାକ୍ଷସ (ମନଷ୍ଟର) ମଧ୍ୟ କହିଛନ୍ତି ।
ସୋନା କହିଛନ୍ତି ପ୍ରଥମେ ସେ କଙ୍ଗନାଙ୍କୁ ସମର୍ଥନ କରୁଥିଲେ ମାତ୍ର ଏବେ ତାଙ୍କୁ ଆଦୌ ସମର୍ଥନ କରୁ ନାହାନ୍ତି । ପ୍ରଥମେ କଙ୍ଗନା ଯେଉଁ ସବୁ କଥାକୁ ବିରୋଧ କରୁଥିଲେ ଆଜିକାଲି ସେସବୁ ନିଜେ କରୁଛନ୍ତି । ଏପରିକି ଯେତେବେଳେ କଙ୍ଗନା ବଲିଉଡର ‘କ୍ବିନ୍’ ହୋଇ ନ ଥିଲେ ସେତେବେଳେ ସୋନା ତାଙ୍କୁ ସମର୍ଥନ କରୁଥିଲେ । ସୋନା ଆହୁରି କହିଛନ୍ତି ଜଣେ ରାକ୍ଷସ ସହ ଲଢ଼ିବା ବେଳେ ନିଜର ଆଚରଣ ସେହିପରି ହୋଇଯାଏ । ନିଜେ ସେହି ସବୁ ଲକ୍ଷଣ ପ୍ରଦର୍ଶନ କରନ୍ତି ଯାହା ପୂର୍ବରୁ ଖୋଦ ନିଜେ ଅଭିଯୋଗ କରନ୍ତି । ଲାଗେ ଯେମିତି କିଛି ନା କିଛି ନିଶ୍ଜିତ ଭୁଲ ଚାଳିଛି । ଏବେ କଙ୍ଗନା ଠିକ୍ ସେମିତି ରାକ୍ଷସ ହୋଇଯାଇଛନ୍ତି । ଏଣୁ କଙ୍ଗନା ଯାହା ସହ ଲଢ଼ୁଥିଲେ ସେ ନିଜେ ଠିକ ସେମିତି ହୋଇଗଲେଣି । ସେ ଅନ୍ୟକୁ ଗାଳିଗୁଲଜ କରିବା ସହ ଅନ୍ୟର କ୍ରେଡିଟ୍ ନେଇ ଯାଆନ୍ତି । ଲାଗୁଛି ଯାହା ସହ ସେ ସହାନୁଭୂତି ରଖିଥାନ୍ତି ତାସହ କଙ୍ଗନାଙ୍କର କିଛି ପର୍ସନାଲ ଏଜେଣ୍ଡା ରହିଛି ।
ସୂଚନାଯୋଗ୍ୟ କଙ୍ଗନା ପୂରା ବଲିଉଡକୁ ଟାର୍ଗେଟ କରିଛନ୍ତି । ସେ ଉଦ୍ଧବ ଠାକରେ, ଅନୁରାଗ କଶ୍ୟପ ହୁଅନ୍ତି କି ଜୟା ବଚ୍ଚନ । କଙ୍ଗନା କାହାକୁ ବି ଭୟ କରନ୍ତି ନାହିଁ । ସେ ସମସ୍ତଙ୍କ ବିରୋଧରେ ନିଜର ବୟାନବାଜି ଜାରି ରଖନ୍ତି ।
