ସତ୍ୟଶିଖା ( ଭୁବନେଶ୍ୱର ) ୨୫ /୧୧ /୨୦୨୧: ରାଜଧାନୀରେ ଦୁଇ ବ୍ରାଉନସୁଗାର ବେପାରୀ ଗିରଫ । ପୋଲିସ ମିତ୍ରଙ୍କଠାରୁ ସୂଚନା ପାଇ ଭରତପୁରର ଏକ ବସ୍ତିରେ ଚଢାଉ କରିଥିଲା ପୋଲିସ । ଚଢାଉ ବେଳେ ୧୦୦ ଗ୍ରାମ ଧଳାଜହର ବିକ୍ରି କରୁଥିବା ଦୁଇ ବେପାରୀଙ୍କୁ ଗିରଫ କରିଲା ଭରତପୁର ପୋଲିସ । ଗିରଫ ଦୁଇ ଧଳାଜହର ବେପାରୀ ହେଲେ ସରୋଜ ଓ ପ୍ରଦୀପ ।
ସୂଚନାଯୋଗ୍ୟ ଯେ, ବ୍ରାଉନସୁଗାର ବିକ୍ରି କରୁଥିବା ନେଇ ପୋଲିସ ମିତ୍ରଙ୍କଠାରୁ ପୋଲିସ ଖବର ପାଇ ଚଢ଼ାଉ କରିଥିଲା । ଚଢାଉ ବେଳେ ଦୁଇ ବେପାରୀଙ୍କୁ କାବୁ କରିଥିଲା ପୋଲିସ । ଭରତପୁର ଅଞ୍ଚଳର ବିଭିନ୍ନ ବସ୍ତିରେ ଏମାନେ ଯୁବକମାନଙ୍କୁ ନିୟୋଜିତ କରିବାକୁ ଯୋଜନା କରିଥିଲେ । ହେଲେ ପୋଲିସ ମିତ୍ର ଓ ବସ୍ତି ମିତ୍ରର ଯୁବକମାନେ ଏହାକୁ ଭଣ୍ଡରୁ କରିବାକୁ ଯାଇ ପୋଲିସକୁ ଖବର ଦେଇଦେଇଥିଲେ । ତେବେ ବସ୍ତି ଚାଲ ଅଭିଯାନରେ ସକ୍ଷମ ହୋଇପାରିଛୁ ବୋଲି ଡିସିପି ସୂଚନା ଦେଇଛନ୍ତି । ଗତ ଅଗଷ୍ଟ ମାସରୁ ଏପର୍ଯ୍ୟନ୍ତ ସମୁଦାୟ ସାଢ଼େ ତିନି କିଲୋ ବ୍ରାଉନସୁଗାର ଜବତ କରିସାରିଛି ପୋଲିସ ।
