ସତ୍ୟଶିଖା ( ଭୁବନେଶ୍ୱର ) ୧୮ .୦୮.୨୦୨୦ :ଓଡ଼ିଶାରେ ୧୦ ଲକ୍ଷ ପାର୍ କରୋନା ଟେଷ୍ଟିଂ । ଲଗାତାର ତିନିଦିନ ଧରି ୫୦ ହଜାରରୁ ଅଧିକ ପରୀକ୍ଷା । ୨୪ ଘଣ୍ଟାରେ ୫୦ ହଜାର ୫୨୫ ନମୁନା ପରୀକ୍ଷା କରାଯାଇଛି । ଏନେଇ ସୂଚନା ଦେଇଛନ୍ତି ଅତିରିକ୍ତ ମୁଖ୍ୟ ଶାସନ ସଚିବ ପ୍ରଦୀପ୍ତ ମହାପାତ୍ର । ଯେଉଁଥିରେ ୪୫ ହଜାର ୩୪୩ ଆଣ୍ଟିଜେନ, ୫ ହଜାର ୧୦୬ ଓଚଉଜ ଟେଷ୍ଟ ରହିଛି । ଏହାସହ ଦେଶରେ ଓଡ଼ିଶା ସର୍ବାଧିକ ନମୁନା ପରୀକ୍ଷଣରେ ଚତୁର୍ଥ ସ୍ଥାନରେ ପହଞ୍ଚିଛି ।
ଓଡ଼ିଶା ଉପରେ କର୍ଣ୍ଣାଟକ, ବିହାର, ତାମିଲନାଡୁ ଓ ଉତ୍ତରପ୍ରଦେଶ ରହିଛି । ସେପଟେ ପ୍ରତି ୧୦ଲକ୍ଷ ଲୋକରେ ଓଡ଼ିଶାରେ ୧ ହଜାର ୯୬ ନମୁନା ପରୀକ୍ଷା ହେଉଛି । ଯାହା କି ଦେଶରେ ପ୍ରଥମ । ଏହି କ୍ଷେତ୍ରରେ ଜାତୀୟ ହାର ରହିଛି ୫୪୨ । ସେପଟେ ଓଡ଼ିଶାରେ ଟେଷ୍ଟିଂ ବୃଦ୍ଧି ପାଇଁ ଶୁଭେଚ୍ଛା ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଅନ୍ୟ ରାଜ୍ୟ ତୁଳନାରେ ଓଡ଼ିଶାରେ ଅଧିକ ଟେଷ୍ଟ ହେଉଛି । ଜୀବନ ବଞ୍ଚାଇବା ପାଇଁ ଏହି ଉଦ୍ୟମକୁ ଧନ୍ୟବାଦ ଜଣାଇଛନ୍ତି ନବୀନ ।
