ଦିଲ୍ଲୀ ସରକାରଙ୍କ ନିଷ୍ପତ୍ତି: ଆଗାମୀ ଆଦେଶ ପର୍ଯ୍ୟନ୍ତ ବନ୍ଦ ରହିବ ସବୁ ସ୍କୁଲ
ସତ୍ୟଶିଖା (ନୂଆଦିଲ୍ଲୀ) ୨୮/୧୦/୨୦୨୦ : ଦିଲ୍ଲୀର ସମସ୍ତ ସରକାରୀ ଓ ବେସରକାରୀ ସ୍କୁଲ ଏବେ ଖୋଲିବ ନାହିଁ । ଯେପର୍ଯ୍ୟନ୍ତ ଆଗାମୀ ଆଦେଶ ଏ ନେଇ ନ ଆସିଛି ସ୍କୁଲ ବନ୍ଦ ରହିବା ବୋଲି ଆଜି ଦିଲ୍ଲୀ ଉପମୁଖ୍ୟମନ୍ତ୍ରୀ ମନିଷ ସିସୋଦିଆ କହିଛନ୍ତି । କରୋନା ସଂକ୍ରମଣ ବଢ଼ୁଥିବାରୁ ଏଭଳି ନିଷ୍ପତ୍ତି ନିଆଯାଇଛି । ସେ କହିଛନ୍ତି ଏବେ ସ୍କୁଲ ଖୋଲିବା ଆଦୌ ସୁରକ୍ଷିତ ନୁହେଁ । ଏହା ସହ ଅଭିଭାବକ ମଧ୍ୟ ଏହାର ସମର୍ଥନରେ ନାହାନ୍ତି ।
ଏହା ସହ ମନୀଷ ଆଇପି ବିଶ୍ବବିଦ୍ୟାଳୟ ଅଧିନାର ଥିବା କଲେଜର ସିଟ୍କୁ ୧୩୩୦ ସଂଖ୍ୟାକୁ ବୃଦ୍ଧି କରିବା ମଧ୍ୟ ଘୋଷଣା କରିଛନ୍ତି । ମଙ୍ଗଳବାର ଦିଲ୍ଲୀରେ ରେକର୍ଡ ସଂଖ୍ୟକ ୪,୮୫୩ ନୂଆ କରୋନା ମାମଲା ସାମ୍ନାକୁ ଆସିଛି । ଏବେ ସୁଦ୍ଧା ଗୋଟିଏ ଦିନରେ ଏହା ହେଉଛି କରୋନାର ସର୍ବାଧିକ ମାମଲା । ତେବେ ଏହା ପୂର୍ବରୁ ସେପ୍ଟେମ୍ବର ୧୬ରେ ଗୋଟିଏ ଦିନରେ ୧,୧୪୩ ମାମଲା ଆସିଥଲା । ଯାହା ଥିଲା ଦ୍ଵିତୀୟ ସର୍ବାଧିକ ମାମଲା । ତେବେ ସୋମବାର ୫୭,୨୧୦ କରୋନା ପରୀକ୍ଷା କରାଯାଇଥିବା ବେଳେ ସେଥିରୁ ମଙ୍ଗଳବାର ୪.୮୫୩ ନୂଆ ମାମଲା ସାମ୍ନାକୁ ଆସିଛି । ସୋମବାର ନୂଆ ମାମଲା ଥିଲା ୨,୮୩୨ ଓ ରବିବାର ଥିଲା ୪୧୩୬ । ଏହା ବାଦ୍ ଦିଲ୍ଲୀରେ କଣ୍ଟେନମେଣ୍ଟ ଜୋନ୍ ସଂଖ୍ୟା ମଧ୍ୟ ବଢ଼ିଛି । ଅର୍ଥାତ ୨,୯୩୦ ଥିବା ବେଳେ ସୋମବାର ୨,୦୩୨ରେ ପହଞ୍ଚିଛି ।
