ସତ୍ୟଶିଖା ୦୫/୦୨/୨୦୨୧ : ଉତ୍ତରପ୍ରଦେଶର ମୋରେନା ଜିଲ୍ଲାରେ ଘଟିଛି ଛାତି ଥରାଇ ଦେବା ଭଳି ଘଟଣା । ଜଣେ ୪ବର୍ଷୀୟ ଶିଶୁକୁ ଅପହରଣ କରି ଦୁଷ୍କର୍ମ କରିବା ଏବଂ ପରେ ନିର୍ମମ ଭାବେ ହତ୍ୟା କରିବା ଘଟଣା ଏବେ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳାଇ ଦେଇଛି । ସବୁଠାରୁ ଆଶ୍ଚର୍ଯ୍ୟ କରିବା ଭଳି କଥା ହେଉଛି, ଅଭିଯୁକ୍ତଜଣଙ୍କ ପୂର୍ବରୁ ଦୁଷ୍କର୍ମ କରି ଜେଲ ଯାଇଥିଲା । ଜାମିନରେ ବାହାରକୁ ଆସିବା ପରେ ସେ ପୁଣି ଥରେ ଏଭଳି ଅମାନୁଷିକ କାମ କରିଥିବା ଜଣାପଡ଼ିଛି ।
ପୁଲିସର କହିବା ମୁତାବକ, ବୁଧବାର ଅଭିଯୁକ୍ତ ଚକୋଲେଟ ଦେବାର ଲୋଭ ଦେଖାଇ ପୀଡ଼ିତାଙ୍କୁ ଡାକି ନେଇଥିଲା । ପରେ ପୀଡ଼ିତାର ଘରଠାରୁ ୨୦୦ମିଟର ଦୂରରେ ଦୁଷ୍କର୍ମ କରି ହତ୍ୟା କରି ଫିଙ୍ଗି ଦେଇଥିଲା । ଗୁରୁବାର ପରିବାରର ଅଭିଯୋଗ ପରେ ପୁଲିସ ଅଭିଯୁକ୍ତକୁ ଗିରଫ କରିଥିବା ବେଳେ ଅଭିଯୁକ୍ତ ନିଜର ଦୋଷ ମାନି ନେଇଛି । ଗତବର୍ଷ ଜୁନ ମାସରେ ଅଭିଯୁକ୍ତ ପୀଡ଼ିତାର ଖୁଡ଼ି ସହ ଦୁଷ୍କର୍ମ କରି ଜେଲ ଯାଇଥିଲା । ଜେଲରେ ୬ମାସ ରହିବା ପରେ ଜାମିନରେ ବାହାରକୁ ଆସି ଏଭଳି ଅପରାଧ କରିଥିବା ଜଣାପଡ଼ିଛି । ଗିରଫ ପରେ ଅଭିଯୁକ୍ତକୁ ଫାଶୀ ଦଣ୍ଡ ମିଳୁ ବୋଲି ପରିବାର ଲୋକେ ଦାବି କରିଛନ୍ତି ।
