ସତ୍ୟଶିଖା ( ଲକ୍ଷ୍ନୌ ) ୦୨.୦୮.୨୦୨୦ : ଉତ୍ତରପ୍ରଦେଶର କ୍ୟାବିନେଟ୍ ମନ୍ତ୍ରୀ କମଲ ରାନୀ ବରୁଣଙ୍କ ଦେହାନ୍ତ ହୋଇଛି । ସେ ୟୁପି ବିଧାନସଭାର ସଦସ୍ୟ ଥିଲେ । ଏହାପୂର୍ବରୁ ସେ ସାଂସଦ ମଧ୍ୟ ରହିଥିଲେ । କମଲ ରାନୀ ବରୁଣ ୟୁପି ସରକାରରେ ବୈଷୟିକ ଶିକ୍ଷା ମନ୍ତ୍ରୀ ଥିଲେ । କମଲ ବରୁଣ କରୋନାରେ ସଂକ୍ରମିତ ହୋଇଥିଲେ ଏବଂ ଲକ୍ଷ୍ନୌର PGIରେ ଚିକିତ୍ସିତ ହେଉଥିଲେ ।
କମଲ ରାନୀ ବରୁଣ ଉତ୍ତରପ୍ରଦେଶ ସରକାରରେ କ୍ୟାବିନେଟ୍ ମନ୍ତ୍ରୀ ଥିଲେ । କମଲଙ୍କ କରୋନାରେ ଦେହାନ୍ତ ହୋଇଛି । ସେ ୧୮ ଜୁଲାଇରେ କରୋନାରେ ସଂକ୍ରମିତ ହୋଇଥିଲେ । ପରେ ତାଙ୍କୁ ଲକ୍ଷ୍ନୌ PGIରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା । ଯେଉଁଠାରେ ରବିବାର ତାଙ୍କର ମୃତ୍ୟୁ ହୋଇଛି ।
କମଲ ବରୁଣ ୩ ମେ’ ୧୯୫୮ରେ ଜନ୍ମଗ୍ରହଣ କରିଥିଲେ । ଗତ ମାସରେ ତାଙ୍କର କରୋନା ପରୀକ୍ଷା କରାଯାଇଥିଲା । ଯେଉଁଥିରେ ସେ ସଂକ୍ରମିତ ହୋଇଥିବା ଜଣାପଡିଥିଲା । ତାଙ୍କ ମୃତ୍ୟୁରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଶୋକ ପ୍ରକାଶ କରିଛନ୍ତି ।
