ସତ୍ୟଶିଖା( ଭୁବନେଶ୍ୱର )୦୪.୦୬. ୨୦୨୨ : ଅସହ୍ୟ ହେଲାଣି ତାତି । ଜଳୁଛି ସାରା ଓଡିଶା । ଆକାଶରୁ ବର୍ଷୁଛି ନିଆଁ । ଏବେ ତାତିରୁ ମିଳିବନି ନିସ୍ତାର । ଆସନ୍ତା ୧୬ ତାରିଖ ଯାଏଁ ତାତିରୁ ମିଳିବନି ନିସ୍ତାର । ପଶ୍ଚିମ ଓଡିଶାରେ ଅସହ୍ୟ ଗରଣ ଅନୁଭୂତ ହେଉଛି ।
ଗତକାଲି ଓଡିଶାର ୬ଟି ସହରର ପାରଦ ୪୪ ଡିଗ୍ରୀ ଉପରେ ରହିଥିଲା । ଟିଟଲାଗଡର ତାପମାତ୍ରା ୪୫ ଡିଗ୍ରୀ ଛୁଇଁଛି । ସେହିପରି ବଲାଙ୍ଗୀରରେ ତାମପାତ୍ରା ୪୪ ଡିଗ୍ରୀ ଉପରେ ରହିଥିଲା । ବୌଦ୍ଧରେ ୪୪.୫, ସମ୍ବଲପୁରରେ ୪୪.୪, ସୋନପୁରରେ ୪୪.୩ ଓ ଝାରସୁଗୁଡାରେ ୪୪.୨ ଡିଗ୍ରୀ ତାପମାତ୍ରା ରେକର୍ଡ କରାଯାଇଛି ।
ତେବେ ଆସନ୍ତା ୧୬ ତାରିଖ ଯାଏଁ ରାଜ୍ୟରେ ଏଭଳି ତାତି ଲାଗି ରହିବ । ସେପଟେ ମୌସୁମୀର ଆଗମନକୁ ଆନିଶ୍ଚିତତା ଦର୍ଶାଯାଇଛି । ଓଡିଶାରେ ମୌସୁମୀ ବର୍ଷା ହେଲେ ତାପମାତ୍ରା ହ୍ରାସ ପାଇଥାଏ । ହେଲେ ୧୬ ତାରିଖ ପର୍ଯ୍ୟନ୍ତ ତାପମାତ୍ରା ହ୍ରାସ ହେବାର ସମ୍ଭାବନା ନାହିଁ ।
