ନୂଆଦିଲ୍ଲୀ: ମହାମାରୀ କରୋନା ଭାଇରସରେ ଏବେ ସୁରକ୍ଷାକର୍ମୀମାନେ ଆକ୍ରାନ୍ତ ହେବାରେ ଲାଗିଛନ୍ତି। ଗତକାଲି ୯ ଜଣ ସିଆରପିଏଫ ଯବାନ କରୋନାରେ ଆକ୍ରାନ୍ତ ହୋଇଥିବା ବେଳେ ଆଜି ଜଣେ କନଷ୍ଟେବଲଙ୍କ ଶରୀରରେ ଏହି ଭୂତାଣୁ ଠାବ ହୋଇଛି। ଦିଲ୍ଲୀର ଅଲୀପୁର ପୁଲିସ୍ ଷ୍ଟେସନର ହେଡ କନଷ୍ଟେବଲ କରୋନାରେ ଆକ୍ରାନ୍ତ ହେବା ପରେ ତାଙ୍କ ସହ କାମ କରୁଥିବା ୧୧ ଜଣ କର୍ମଚାରୀଙ୍କ ପ୍ରତି ସଂକ୍ରମଣର ଆଶଙ୍କା ବଢ଼ିଛି।
ଆହୁରି ପଢ଼ନ୍ତୁ
ଏହି କାରଣରୁ ସେମାନଙ୍କୁ ବାଧ୍ୟତାମୂଳକ କ୍ୱାରେଣ୍ଟାଇନରେ ରହିବାକୁ କୁହାଯାଇଛି। କିଛି ଦିନ ହେବ ହେଡ କନଷ୍ଟେବଲଙ୍କ ଶରୀରରେ ଫ୍ଲୁର ଲକ୍ଷଣ ଦେଖାଦେଇଥିଲା। ଏହି କାରଣରୁ ତାଙ୍କୁ ଘରେ ରହିବାକୁ ପରାମର୍ଶ ଦିଆଯିବା ସହ କରୋନା ଟେଷ୍ଟ କରାଯାଇଥିଲା।
ଆଜି ତାଙ୍କ ରିପୋର୍ଟ ପଜିଟିଭ ଆସିଛି। ଏବେ ତାଙ୍କର କଣ୍ଟାକ୍ଟ ଟ୍ରେସିଂ କାମ ପ୍ରଶାସନ ପକ୍ଷରୁ ଆରମ୍ଭ କରାଯାଇଛି। ସେହିପରି ସମଗ୍ର ପୁଲିସ୍ ଷ୍ଟେସନକୁ ସାନିଟାଇଜ କରାଯାଇଛି।
