ଭୁବନେଶ୍ୱର(ସତ୍ୟଶିଖା): ରାଜଧାନୀ ଭୁବନେଶ୍ୱରକୁ ସଂକ୍ରମଣମୁକ୍ତ କରିବାକୁ ଗତକାଲିଠୁ ଆରମ୍ଭ ହୋଇଛି ଡ୍ରୋନ୍ ଯୋଗେ ବିଶୋଧକ ସିଞ୍ଚନ ପ୍ରକ୍ରିୟା। ସହରର ବିଭିନ୍ନ ହାଟ ବଜାର ଅଞ୍ଚଳ ବୁଲି ବିଶୋଧକ ସିଞ୍ଚନ କରୁଛି ଡ୍ରୋନ୍। ଭୁବନେଶ୍ୱର ମହାନଗର ନିଗମ ଅଞ୍ଚଳର ଉତ୍ତର ଜୋନରେ ଏହି କାର୍ଯ୍ୟ ଆରମ୍ଭ ହୋଇଛି। ଏହା ଆସନ୍ତା ୧ ସପ୍ତାହ ଧରି ଚାଲୁ ରହିବ ।
ଆହୁରି ପଢ଼ନ୍ତୁ
ଗତକାଲି ରାତି ୯ଟାରୁ ଆରମ୍ଭ ହୋଇଥିବା ଏହି ପ୍ରକ୍ରିୟା ମେ ୫ ତାରିଖ ପର୍ଯ୍ୟନ୍ତ ଜାରି ରହିବ । ବିଏମସି ଓ ଭୁବନେଶ୍ୱର ସ୍ମାର୍ଟ ସିଟି ପକ୍ଷରୁ ମିଳିତ ଭାବେ ଏହି କାର୍ଯ୍ୟ ଆରମ୍ଭ ହୋଇଛି। କେବଳ ରାତି ସମୟରେ ଦୁଇଟି ଡ୍ରୋନ୍ ବିଶୋଧନ ସିଞ୍ଚନ କରିବେ ବୋଲି ବିଏମସି ପକ୍ଷରୁ ସୂଚନା ମିଳିଛି।
ସୂଚନାଯୋଗ୍ୟଯେ, ରାଜଧାନୀ ଭୁବନେଶ୍ୱରରେ ସର୍ବାଧିକ କରୋନା ଆକ୍ରାନ୍ତ ଚିହ୍ନଟ ହେବା ପରେ ଏହା ଉପରେ ନିୟନ୍ତ୍ରଣ ଆଣିବାକୁ ପ୍ରଶାସନ ପକ୍ଷରୁ ଆରମ୍ଭ ହୋଇଥିଲା ଜୋରଦାର ଉଦ୍ୟମ। ରାଜଧାନୀର ବିଭିନ୍ନ ଅଞ୍ଚଳକୁ କଣ୍ଟେନମେଣ୍ଟ ଜୋନ ଘୋଷଣା କରାଯିବା ସହ କଣ୍ଟାକ୍ଟ୍ର ଟ୍ରେସିଂ ସହ ସମ୍ପୃକ୍ତ ଅଞ୍ଚଳକୁ ବିଶୋଧନ କରାଗଲା।
