କରୋନା ଯୋଦ୍ଧାଙ୍କ ପାଇଁ ଗୀତ ଗାଇଲେ ଆଇଟିବିପି ଯବାନ, ଦେଖନ୍ତୁ ଭିଡିଓ

ନୂଆଦିଲ୍ଲୀ: କରୋନା ସହ ଲଢ଼େଇ କରୁଥିବା କୋଭିଡ ଯୋଦ୍ଧା ଯଥା ଡାକ୍ତର ଓ ସ୍ୱାସ୍ଥ୍ୟକର୍ମୀଙ୍କ ପାଇଁ ଆଇଟିବିପି କନଷ୍ଟେବଲ ବିକ୍ରମଜୀତ ସିଂହ ଗୀତ ଗାଇଛନ୍ତି। ସେ ଗୀତରେ ଗୀତରେ କରୋନା ଯୋଦ୍ଧାଙ୍କ ସାହସ ଓ ନିଷ୍ଠାକୁ ସଲାମ କରିଛନ୍ତି। ଏଥିସହ ଆମେ ସମସ୍ତେ ମିଳିତ ଭାବେ କରୋନା ବିରୋଧୀ ଯୁଦ୍ଧରେ ଏକାଠି ହେବା ଓ ଜିତିବା ବୋଲି ସେ କହିଛନ୍ତି। ଗୀତ ଗାଇବା ବେଳେ ଶ୍ରୀ ସିଂହ ବେଶ ଭାବବିହ୍ୱଳ ମଧ୍ୟ ହୋଇଯାଇଥିଲେ।

ଭାରତରେ କରୋନା ସଂକ୍ରମଣ ବଢ଼ିବା ଦିନଠାରୁ ବିଭିନ୍ନ ସ୍ଥାନରେ ପୁଲିସ୍‌ ପକ୍ଷରୁ ଗୀତ ଦ୍ୱାରା ଲୋକଙ୍କୁ ସତର୍କ କରାଯିବା ସହ ସେମାନଙ୍କୁ ଲକଡାଉନ ପାଳନ କରିବାକୁ କୁହାଯାଉଛି। କରୋନା ଯୋଦ୍ଧାଙ୍କ ମନବୋଳ ବୃଦ୍ଧି କରିବା ପାଇଁ ପୁଲିସ୍‌ କର୍ମୀମାନେ ତାଳି ମାରୁଛନ୍ତି।

#WATCH Indo-Tibetan Border Police (ITBP) Constable Vikramjeet Singh dedicates a song to ‘corona warriors’. pic.twitter.com/jRieKe2y0N

— ANI (@ANI) June 12, 2020

କରୋନା ବିରୋଧରେ ସରକାର ପ୍ରସ୍ତୁତ କରିଥିବା ଗାଇଡଲାଇନକୁ ଭଲ ଭାବେ କାର୍ଯ୍ୟକାରୀ କରିବା ପାଇଁ ପୁଲିସ୍‌ କର୍ମଚାରୀଙ୍କ ଠାରୁ ଆରମ୍ଭ କରି ଯବାନମାନେ ଦିନ ରାତି ଏକ କରିଦେଇଛନ୍ତି। ଏହି ସମ୍ମୁଖ ଯୁଦ୍ଧ ବେଳେ ପୁଲିସ୍‌ କର୍ମଚାରୀ ଓ ଯବାନମାନେ ବି କରୋନାରେ ସଂକ୍ରମିତ ହେଉଛନ୍ତି।

ଆଇଟିବିପିର ପ୍ରାୟ ୧୫୦ରୁ ଅଧିକ ଯବାନ କରୋନା ପଞ୍ଝାରେ ପଡ଼ିଛନ୍ତି। ସମସ୍ତଙ୍କ ମନରେ ସାହସ ବଢ଼ାଇବା ପାଇଁ ବିକ୍ରମଜୀତ ଗୀତ ଗାଇଛନ୍ତି।