ସତ୍ୟଶିଖା(ଭୁବନେଶ୍ୱର ) ୩୧.୦୮ .୨୦୨୧: ଏମ୍ସରେ ଇକ୍ମୋ ମେସିନ୍ କାର୍ଯ୍ୟକାରୀ ହେଲା ପରେ ପ୍ରଥମ ଥର ପାଇଁ ଜଣେ କୋମଳମତି କନ୍ୟାକୁ ଚିକିତ୍ସା କରାଯାଉଛି । ଢେଙ୍କାନାଳର ୨୨ମାସର ଜଣେ କୋମଳମତି କନ୍ୟାକୁ ବର୍ତ୍ତମାନ ଇକ୍ମୋ ଚିକିତ୍ସା ଜାରି ରଖାଯାଇଛି । ଏମ୍ସ ଡାଇଗ୍ନୋଷ୍ଟିକ୍ କରି ଜଣାପାରିଥିଲା ଯେ କନ୍ୟା ଜଣକ ବିରଳ ଜିନେଟିକ୍ ରୋଗ ସହିତ ଫୁସ୍ଫୁସ୍ ଜନିତ ସମସ୍ୟାରେ ଆକ୍ରାନ୍ତ ଅଛନ୍ତି । ଗତ କିଛି ମାସ ହେବ କନ୍ୟାଟି ନିଶ୍ୱାସ-ପ୍ରଶ୍ୱାସ ନେବାରେ କଷ୍ଟ ଅନୁଭବ କରୁଥିଲା । ଫଳରେ ପୂର୍ବରୁ ତାଙ୍କୁ ବିଭିନ୍ନ ହସ୍ପିଟାଲରେ ଚିକିତ୍ସିତ ହେଉଥିଲେ । ହେଲେ ସେଠାରେ ଚିକିତ୍ସାରେ କୌଣସି ଉନ୍ନତି ନଆସିବାରୁ ଏମ୍ସ ଭୁବନେଶ୍ୱରରେ ଭର୍ତ୍ତି କରାଯାଇଛି ।
ବର୍ତ୍ତମାନ କନ୍ୟା ଜଣକ ଏମ୍ସର ପେଡିଆଟିକ୍ ଆଇସିୟୁରେ ଅଛନ୍ତି । କନ୍ୟାକୁ ବର୍ତ୍ତମାନ ବହୁ ମାତ୍ରାରେ ଅକ୍ସିଜେନ୍ ଆବଶ୍ୟକତା ପଡ଼ୁଛି । ତାହାର ଫୁସ୍ଫୁସ୍ ଓ ଶ୍ୱାସନଳୀରେ କ୍ଷୀର ଜମା ହୋଇ ରହୁଥିଲା । ଯାହାଫଳରେ କନ୍ୟାଟି ନିଶ୍ୱାସ ଠିକ୍ ଭାବରେ ନେଇପାରୁନଥିଲା । ଏମ୍ସ ଡାକ୍ତରମାନେ ପ୍ରଥମ କନ୍ୟାର ଛାତିରୁ କଫ ଓ କ୍ଷୀରକୁ ବାହାର କରିଥିଲେ । କନ୍ୟାକୁ ଇକ୍ମୋ ଚିକିତ୍ସା ଦ୍ୱାରା ତା’ର ଫୁସ୍ଫୁସ୍କୁ ସଫା କରିବାକୁ ସହଜ ହେବ ବୋଲି ନିଷ୍ପତ୍ତି ନେଇଥିଲେ । ବର୍ତ୍ତମାନ କନ୍ୟାର ଇକ୍ମୋ ଚିକିତ୍ସା ଜାରି ରହିଛି । ଯେଉଁଥିରେ ଇକ୍ମୋ ବିଶେଷଜ୍ଞ, ଅନାସ୍ଥିସିଆ ଡାକ୍ତର, ଶିଶୁ ରୋଗ ବିଶେଷଜ୍ଞ ଓ ସଟିଭିଏସ୍ ଟିମ୍ ଉପସ୍ଥିତିରେ ଇକ୍ମୋ ଚିକିତ୍ସା ଆରମ୍ଭ ହୋଇଛି ବୋଲି ଏମ୍ସ ପକ୍ଷରୁ ସୂଚନା ଦିଆଯାଇଛି ।
