ନୂଆଦିଲ୍ଲୀ: ମେଡିକାଲ ପାଠ୍ୟକ୍ରମରେ ନାଁ ଲେଖାଇବାକୁ ଚାହୁଁଥିବା ଛାତ୍ରଛାତ୍ରୀମାନଙ୍କ ପାଇଁ ଗୋଟିଏ ମାତ୍ର ନିଟ୍ ପରୀକ୍ଷା ଦେବାକୁ ପଡ଼ିବ। ନିଟ୍ର ମାର୍କ ଭିତ୍ତିରେ ସମସ୍ତ ସରକାରୀ, ସଂଖ୍ୟାଲଘୁ ଓ ଘରୋଇ ସଂସ୍କା ଗୁଡ଼ିକରେ ଶିକ୍ଷାର୍ଥୀଙ୍କୁ ମେଡିକାଲ ପାଠ୍ୟକ୍ରମରେ ନାମ ଲେଖାଇବାକୁ ଅନୁମତି ମିଳିବ ବୋଲି ସୁପ୍ରିମକୋର୍ଟ କହିଛନ୍ତି।
ଏପରି ନିଟ୍ ପରୀକ୍ଷା ଦ୍ୱାରା ନାମ ଲେଖା କରାଗଲା କୌଣସି ସଂଖ୍ୟାଲଘୁ ଡାକ୍ତରୀ ପାଠ୍ୟକ୍ରମ ସଂସ୍ଥାର ଅଧିକାର ପ୍ରଭାବିତ ହେବନାହିଁ ବୋଲି ସର୍ବୋଚ୍ଚ ଅଦାଲତ ସ୍ପଷ୍ଟ କରିଛନ୍ତି।
ଜଷ୍ଟିସ ଅରୁଣ ମିଶ୍ରା, ଜଷ୍ଟିସ ଭୀନିତ ସରନ ଓ ଜଷ୍ଟିସ ଏମଆର ଶାହଙ୍କୁ ନେଇ ଗଠିତ ଖଣ୍ଡପୀଠ କହିଛନ୍ତି, “ନିଟ୍ ଅଧୀନକୁ ସଂଖ୍ୟାଲଘୁ ଡାକ୍ତରୀ ସଂସ୍ଥା ଗୁଡ଼ିକ ଆସିଲେ, ସେମାନଙ୍କର କୌଣସି ଅଧିକାରର ଉଲ୍ଲଙ୍ଘନ ହେବନାହିଁ। ବର୍ତ୍ତମାନ ସମୟରେ ଶିକ୍ଷାଦାନ ଏକ କମୋଡିଟିରେ ପରିଣତ ହୋଇଛି।
ଆହୁରି ପଢ଼ନ୍ତୁ
ଦୁର୍ନୀତି ଓ ଅନିୟମିତତା ଦୂର କରିବା ପାଇଁ ନିଟ୍ ଆରମ୍ଭ କରାଯାଇଥିଲା। ଏହାକୁ ଜାତୀୟ ସ୍ୱାର୍ଥ ପାଇଁ କାର୍ଯ୍ୟକାରୀ କରାଯାଇଥିଲା। ତଥାପି ନାମ ଲେଖା ପ୍ରକ୍ରିୟାରେ ଅନେକ ଗଳାବାଟ ଦେଖିବାକୁ ମିଳିଛି। ତେଣୁ ଏଗୁଡ଼ିକ ବନ୍ଦ କରିବାର ସମୟ ଆସି ଯାଇଛି।”
ଘରୋଇ କଲେଜ ଗୁଡ଼ିକ କେନ୍ଦ୍ର କାଉନସିଲିଂ ପ୍ୟାନେଲରୁ ଆସୁଥିବା ଛାତ୍ରଛାତ୍ରୀମାନଙ୍କୁ ନାମ ଲେଖାଇବାକୁ ଅନୁମତି ଦେଉ ନଥିବାରୁ ସୁପ୍ରିମକୋର୍ଟ କ୍ଷୁବ୍ଧ ହୋଇଛନ୍ତି। କୋର୍ଟ କହିଛନ୍ତି, ଦେଶର ସମସ୍ତ ଘରୋଇ ଓ ସଂଖ୍ୟାଲଘୁ ସଂସ୍ଥା ଗୁଡ଼ିକ ନିଟ୍ ମାର୍କ ଭିତ୍ତିରେ ପିଲାମାନଙ୍କୁ ନାମ ଲେଖାଇବାକୁ ଅନୁମତି ଦେବାକୁ ବାଧ୍ୟ।
ସଂଖ୍ୟାଲଘୁ ସଂସ୍ଥାଗୁଡ଼ିକ ନିଟ ବଦଳରେ ଅନ୍ୟ ପରୀକ୍ଷା ମାଧ୍ୟମରେ ପିଲାମାନଙ୍କୁ ନାମ ଲେଖାଇବାକୁ ଅନୁମତି ଦେଉଛି। ଏହା ବିରୋଧରେ ସୁପ୍ରିମକୋର୍ଟରେ ଏକାଧିକ ଆବେଦନ କରାଯାଇଥିଲା।
